ئاگادارییەك لە تەندروستی راپەڕینەوە

.

بەڕێوەبەرایەتی گشتی تەندروستی راپەڕین ئاگاداری سەرجەم ناوەندە تەندروستییەكانی سنوورەكە لەكەرتی حكومی و ناحكومی دەكاتەوە، بەهیچ شێوەیەك پاشماوەی پزیشكی تێكەڵ بە خاشاكی تر نەكەن.

دكتۆر دیار ئیبراهیم بەڕێوبەری گشتی تەندروستی راپەڕین بە  PUKmedia ی راگەیاند: لەپێناو پاراستنی ژینگە و تەندروستی هاووڵاتیاندا، بەهیچ شێوەیەك نابێت پاشماوەی پزیشكی تێكەڵ بەكەلوپەل و خاشاكی تربكرێت و دەبێت لەڕێگەی پەیوەندیكردن بەلایەنی پەیوەندیداری تەندروستییەوە ئەو پاشەڕۆیانە لەناوببرێن.

وتیشی: سەرجەم ناوەندە تەندروستییەكانی سنوورەكە لەكەرتی حكومی و ناحكومی دەبێت پاشماوە پزیشكییەكانیان بە ڕێگای زانستی و ئامێری تایبەت بۆ لەناوبردنی ئەو پاشەڕۆیانە كە لەئێستادا لەپشدەر و بیتوێن هەن لەناوبەرن. 

PUKmedia محەمەد رەسوڵ-رانیە