ئاگاداریه‌ك بۆ ئه‌و گه‌ڕه‌كانه‌ی پێوه‌ری زیره‌كیان داناوه‌

.

به‌ڕێوه‌به‌رایه‌تی كاره‌بای سلێمانی رایگه‌یاند، هاوكات له‌گه‌ڵ ده‌ستپێكردنی قۆناغی دووه‌می به‌ستنی پێوه‌ری زیره‌ك، كه‌ بریتیه‌ له‌ ناساندنی پێوه‌ره‌كه‌ به‌ ماڵه‌كه‌ (Linking) له‌سنوری پارێزگای سلێمانی، به‌ تایبه‌تی گه‌ڕه‌كه‌كانی به‌كره‌جۆ، سه‌رچنار، شه‌هیدانی سه‌رچنار، گردی سه‌رچنار، داوا له‌ دانیشوانی ئه‌و‌ گه‌ڕه‌‌كانه‌ ده‌كه‌ین، كه‌ هاوكاری تیمه‌كان بن به‌پێدانی (پسوڵه‌ی كاره‌با)ی ماڵه‌كه‌یان و ئاسانكاریان بۆ بكه‌ن تا پرۆسه‌‌كه‌ ئه‌نجام ده‌ده‌ن، كه‌ ئه‌وه‌ش ته‌نیا بۆ ناساندن و كاركردنی پێوه‌ره‌كه‌یه‌.

كاره‌بای سلێمانی ئه‌وه‌شی خستوه‌ته‌ڕوو، دڵنیاین كه‌ هاوڵاتیان له‌به‌ستنی پێوه‌ره‌كه‌ هاوكاربوون و له‌مه‌شدا هاوكاریان ده‌‌بن، چونكه‌ ئه‌و‌ پرۆژه‌یه‌ یه‌كێكه‌ له‌ پرۆژه‌ گرنگ و ستراتیژییه‌كان بۆ چاره‌سه‌ركردنی كێشه‌ی كاره‌با له‌ كوردستان.

PUKmedia  / راگه‌یاندنی كاره‌بای سلێمانی