ئاگادارییه‌ك له‌هاتوچۆی سلێمانییه‌وه‌

.

به‌ڕێوه‌به‌رایه‌تی هاتووچۆی سلێمانی ئاگاداری سه‌رجه‌م هاووڵاتییان و شۆفێرانی پارێزگای سلێمانی ده‌كات كه‌ سبه‌ینێ دوو شه‌ممه‌ ده‌وامی ره‌سمی به‌ڕێوه‌به‌رایه‌تیه‌كه‌یان ده‌ستپێده‌كات و ده‌توانن بۆ ڕاییكردنی مامه‌ڵه‌كانیان سه‌ردانیان بكه‌ن.

ئه‌و مامه‌ڵانه‌ی كه‌ له‌م هه‌فته‌یه‌دا ئه‌نجام ئه‌درێن بریتین له‌: 

1ـ مامه‌ڵه‌كانی تۆماری یه‌كه‌م جار
2ـ گواستنه‌وه‌ی خاوه‌ندارێتی (تحویل)
3ـ نوێكردنه‌وه‌ی ساڵانه‌
4ـ نوێكردنه‌وه‌ی مۆڵه‌ت
له‌راگه‌یه‌نراوه‌كه‌ی هاتوچۆی سلێمانیدا هاتووه‌، له‌كاتی سه‌ردانیكردنی هاووڵاتیان پێویسته‌ ڕێنماییه‌كانی ته‌ندروستی له‌به‌رچاو بگیرێت و كۆبوونه‌وه‌ی زۆر دروست نه‌بێت و هه‌ر هاووڵاتییه‌ك له‌كاتی سه‌ردانیكردن پێویسته‌ ڕێكاره‌كانی خۆپارێزی ئه‌نجامبده‌ن وه‌ك به‌كارهێنانی ( ده‌ستكێش و ده‌مامك).

هه‌روه‌ها ئه‌و كه‌سانه‌ی سه‌ردانی به‌ڕێوه‌به‌رایه‌تی هاتوچۆ ده‌كه‌ن پێویسته‌ پابه‌ندبن به‌ سیسته‌می سه‌ره‌گرتنی ئه‌لیكترۆنی و له‌سه‌ر كورسییه‌كان دابنیشن تا كاتی هاتنی سه‌ره‌ی خۆیان به‌مه‌به‌ستی دروست نه‌بوونی قه‌ره‌باڵغی له‌به‌رده‌م په‌نجه‌ره‌كاندا.

PUKmedia راگه‌یاندنی هاتوچۆی سلێمانی