ئاسایشی ڕاپه‌ڕین ئاگاداری هاووڵاتیان ده‌كاته‌وه‌

.

ئاسایشی ڕاپه‌ڕین داواكاریه‌ك ئاڕاسته‌ی گشت خه‌ڵكی بیتوێن و پشده‌ر به‌تایبه‌ت گوندوناحیه‌كانی سه‌رسنور (قندۆڵ ـ زه‌ڵێ ـ هه‌ڵشۆ ـ كێلێ ـ هێرۆ ) ده‌كات.

ده‌قی داواكارییه‌كه‌...
داواتان لێده‌كه‌ین هاوكاری هێزه‌ ئه‌منییه‌كان بن ، ڕێگه‌ نه‌ده‌ن كه‌سانی نابه‌رپرس وچاوچنۆك  له‌ڕێگه‌ی قاجاغ هه‌وڵی گه‌ڕانه‌وه‌ی ئه‌وهاوڵاتیانه‌ بده‌ن كه‌ له‌وڵاتی ئێرانن ،ئه‌م كاره‌ گه‌وره‌ترین خیانه‌ته‌ له‌گه‌ل و وڵات یاری كردنه‌ به‌ڕۆحی مرۆڤ ،دڵسۆزی ئێوه‌ واده‌كات گیانی ملیۆنان هاوڵاتی هه‌رێمه‌كه‌مان له‌م ڤایرۆسه‌ كوشنده‌ جیهانیه‌ بپارێزین به‌پێچه‌وانه‌شه‌وه‌ هه‌ركه‌سێك هۆكاربێت بۆ گه‌ڕانه‌وی ئه‌و هاوڵاتیانه‌ كه‌له‌ ئێرانن ئه‌وا ئۆباڵی مردنی گه‌لێكی ئه‌كه‌وێته‌ ئه‌ستۆ! بیرتان له‌وه‌كردۆته‌وه‌ خوانه‌كا حاڵه‌تێك له‌سنوری پشده‌ر ڕوبدات ژیان ئه‌وه‌ستێت و ده‌ڤه‌ره‌كه‌مان ئه‌بێته‌
ناوچه‌یه‌كی قه‌ده‌غه‌كراو! بۆیه‌ داواتان لێده‌كه‌ین له‌هه‌رشوێن و ماڵێك هه‌ستان كرد كه‌سانێك داڵده‌ دراون به‌زوترین كات لایه‌نی ئه‌منی ئاگاداركه‌نه‌وه‌ ئه‌م كاره‌شتان ئه‌بێته‌ گه‌وره‌ترین خزمه‌ت به‌گه‌ل و وڵات و ڕزگاركردنی گه‌لێك له‌مردن ،به‌پێچه‌وانه‌شه‌وه‌ هه‌ركه‌سێك هاوكاریان بێت و بیان شارێته‌وه‌ له‌پێشا ئه‌بێته‌ بكوژی ماڵ و منداڵی و دواتر گه‌لێك !
بۆیه‌ تكاتان لێده‌كه‌ین هه‌رحاڵه‌تێكی واتان بینی به‌زوترین كات هێزه‌ئه‌منیه‌كان یانزیك ترین بنكه‌ لێیه‌وه‌ ئاگاداربكه‌نه‌وه‌له‌پێناو ته‌ندروستی هه‌موو هاوڵاتیان         
هێڵی گه‌رمی په‌یوه‌ندی 24سه‌عاتی ڕاپه‌ڕین07705694040 یاخود  07501613933

PUKmedia راگه‌یاندنی ئاسایشی راپه‌ڕین