ئاگادارییەك لەهاتووچۆی سلێمانییەوە بۆ شۆفێران

.

بەڕێوەبەرایەتی هاتووچۆی سلێمانی ئاگادارییەك سەبارەت بە گۆڕانكاری لە سزا داراییەكانی كامێراكانی تۆماركردنی خێرایی و خێرایی شەقامی بازنەیی مەلیك محمود بڵاودەكاتەوە، كەئەمەی خوارەوە دەقەكەیەتی:

دوای بڵاوبوونەوەی دەنگۆی ئەوەی كە گۆڕانكاری لە سزا داراییەكانی كامێراكانی تۆماركردنی خێرایی و خێرایی شەقامی بازنەیی مەلیك محمود كراوە بەباشمان زانی ئەم روونكردنەوەیە بڵاو بكەینەوە.

بەڕێوەبەرایەتی هاتووچۆی گشتی هەرێم هیچ گۆڕانكارییەكی لە سزا داراییەكانی كامێراكانی دیاریكردنی خێراییدا نەكردووەو بەهەمان ئەو بڕیارە كاردەكرێت كە پێشتر هەبووە و ئەو دەنگۆیانەی بڵاوبوونەتەوە دوورن لە راستییەوە. سەبارەت بە گۆڕانكاری لە خێراییەكانی شەقامی بازنەیی مەلیك محمود، پێتان را دەگەیەنین كە خێرایی شەقامی بازنەیی مەلیك محمود ٦٠ كلم/ كاتژمێرێكدا و تەنها نزیك لە ترافیك لایتی پەڕینەوەكان خێراییەكان كراوە بە ٥٠كلم / كاتژمێرێكدا.

‎هاوڵاتیان ئاگادار ئەكەین هەر هەواڵ و زانیاریەك سەبارەت بە هاتوچۆ لە پەیجی فەرمی و ڕادیۆی ترافیكەوە بڵاو نەكرێتەوە بەڕێوەبەرایەتیمان لێی بەرپرسیار نیە.

PUKmedia  راگەیاندنی هاتووچۆی سلێمانی