هۆڵەندا.. كۆڕێك بۆ بەجینۆساید ناساندنی كیمیاباران رێكدەخرێت

.

لە پەراوێزی کۆنفرانسی 24 هەمینی ساڵانەی مونتەدای جیهانی لاهای، کە  ڕۆژانی 25 ئەم مانگە تا 29 ی نۆڤمبەری 2019 دەخایەنێت و لە ئۆفیسی ڕێکخراوی قەدەغەکردنی چەکی کیمیایی OPCW لە شاری دەنهاخ بەڕێوەدەچێت و چەند ڕێکخراوێکی کوردییش لە کوردستانەوە بەشدریان تێدا کردووە، وەک کۆمەڵەی قوربانیانی ھەڵەبجە و سەردەشت و ڕێکخراوی چیرۆکەکانی ئەنفال.

یانەی کوردیی "میدیــــا" لە هۆڵەندا، بە هەلی زانی شێخ فەتاح و خاتوو دیمەن بەرزنجی لە ڕێکخراوی چیرۆکەکانی ئەنفال و کاک هابیل حاجی ئەحمەد لە مۆنمێتی ئەنفال بانگێشت بکات و لە نزیکەوە تیشک بخەنەسەر چۆنێتیی بەرێوەچوونی ڕۆژەکانی کۆنفرانسەکە و ڕۆڵی ڕێکخراوە کوردییەکان دەربخەن.

لە بەجینۆساید ناساندنی کەیسەکانی هەڵەبجە و ئەنفال و کیمیابارانکردنی تێکڕای گوند و شارۆچکەکانی کوردستان و هەر نۆ پرۆسەکانی ئەنفالدا.

بۆ ئەم ئیوارەیە بە تایبەت بانگێشتان دەکەین، تا لە گفتوگۆیەکی لێبراوانەدا، ڕووبەڕوو پێکەوە لەگەڵیان بدوێین.

خۆشحاڵ ده‌بین بە ئامادەبوونتان بۆ ئێوارەی ڕۆژی پێنجشه‌ممه‌ ڕێکه‌وتی ڕێکەوتی 28-11-2018 کات19:00   حەوتی ئێوارە.

کۆڕەکە له‌ شاری دەنهاخ، لە کۆمیتەی ڕێکخستنی (ی.ن.ک) لەم ناونیشانەی خوارەوه ساز دەکرێت‌:
 
Melkwegstraat 2,   2516 AJ Den Haag

PUKmedia  تایبەت