لەسلێمانی رۆژی جیهانی قوربانیانی هاتووچۆ دەكرێتەوە

.

بەڕێوەبەرایەتی هاتووچۆی سلێمانی لە رۆژی جیهانی قوربانیانی هاتووچۆدا چەند چالاكییەك رێكدەخات و داواش لەشۆفێران دەكات پابەندبن بەڕێنماییەكان تا لەمەترسی رووداوەكان بەدووربن.

لەئاگادارییەكدا كە وێنەیەكی گەیشتوەتە PUKmedia، بەڕێوەبەرایەتی هاتووچۆی سلێمانی ئاماژەی بەوەداوە ساڵانە لەجیهاندا چەندین ملیۆن كەس بەهۆی رووداوەكانی هاتووچۆوە دەبنە قوربانی، بەوبۆنەیەشەوە رێكخراوی نەتەوەیەكگرتوەكان سێیەم یەكشەممەی مانگی تشرینی دووەمی هەموو ساڵێكی وەك رۆژی جیهانی قوربانیانی هاتووچۆ دیاریكردوە، دەشڵێت: لەم رۆژەدا جگە لەوەی یادی قوربانیانی هاتووچۆ دەكرێتەوە، چەندین چالاكی جۆراوجۆریش مەترسی رووداوەكانی هاتووچۆو دەئەنجامەكانی خراپ بەكارهێنانی و هۆیەكانی دەخرێتەڕوو.

هاتووچۆی سلێمانی داواش دەكات راگەیاندنەكان بەگرنگییەوە مامەڵە لەگەڵ ئەم رۆژەدا بكەن، هەروەها چەند دروشمێكیشی بۆ شۆفێران بڵاوكردوەتەوە كە لەكای شۆفێریدا پێوەی پابەندن بن تا بەدووربن لەمەترسی رووداوی هاتووچۆ.

PUKmedia تایبەت