ئاگادارییه‌ك له‌هاتوچۆی سلێمانیه‌وه‌

.

هاتوچۆی سلێمانی شۆفێران و هاووڵاتیان ئاگادارده‌كاته‌وه‌ رۆژی دووشه‌ممه‌ ته‌نها مامه‌ڵه‌ی تۆماری ئه‌و ئۆتۆمبێلانه‌ ده‌كرێت كه‌ بۆ یه‌كه‌مجار‌و ماوه‌ی یاساییان به‌سه‌رده‌چێت، بۆ ئه‌وه‌ی دوچاری سزای دارایی نه‌بنه‌وه‌ ته‌نها مامه‌ڵه‌ی ئه‌وان جێبه‌جێ ده‌كرێت.

ده‌قی ئاگادارییه‌كه‌..
به‌ڕێوه‌به‌رایه‌تی هاتوچۆی سلێمانی ئاگاداری هاووڵاتیان ده‌كاته‌وه‌، به‌هۆی ئه‌وه‌ی ڕۆژی دووشه‌ممه‌ 1-7-2019 پشووی بانكیه‌ له‌هه‌رێمی كوردستان‌و كارمه‌ندانی خه‌زنه‌داری هاتوچۆ سه‌رقاڵی پاكتاوی ژمێریارین، ئه‌و شۆفێرانه‌ی مامه‌ڵه‌ی تۆماری ئۆتۆمبێلیان هه‌یه‌ بۆ یه‌كه‌مجار‌و ماوه‌ی یاساییان به‌سه‌رده‌چێت، بۆ ئه‌وه‌ی دوچاری سزای دارایی نه‌بنه‌وه‌ ته‌نها مامه‌ڵه‌ی ئه‌وان جێبه‌جێ ده‌كرێت ، ئه‌و كه‌سانه‌شی كه‌ مامه‌ڵه‌یان هه‌یه‌ بۆ تۆماری یه‌كه‌مجاری ئۆتۆمبێل‌و كاتیان ماوه‌ بۆ تۆماركردنی ئۆتۆمبێله‌كانیان، رۆژانی دواتر ده‌توانن سه‌ردانی هاتوچۆی سلێمانی بكه‌ن.

PUKmedia راگه‌یاندنی هاتوچۆی سلێمانی