پارەی كارمەندانی سەر سندوقەكانی دەنگدان خەرجدەكرێت

.

كۆمسیۆنی باڵای هەڵبژاردنی هەرێم رایگەیاند: وەزارەتی دارایی هەرێم رەزامەندی لەسەر خەرجكردنی پارەی ئەو كارمەندانەی كۆمسیۆن دەربڕیوە كە لەكاتی هەڵبژاردنەكەی 30ی ئەیلولی پەرلەماندا لەسەر سندوقەكانی دەنگدان بوون.

لەوبارەیەوە شیروان زرار وتەبێژی كۆمسیۆنی باڵای هەڵبژاردن و راپرسی هەرێم لە لێدوانێكی رۆژنامەوانیدا رایگەیاند: وەزارەتی دارایی رەزامەندی لەسەر خەرجكردنی پارەی ئەو كارمەندانەی كۆمسیۆن كە لەرۆژی هەڵبژاردنە پەرلەمانییەكەی 30ی ئەیلولی ساڵی رابردوودا لەسەر سندوقەكانی دەنگدان بوون دەربڕیوە.

وتیشی، كۆمسیۆن كارەكانی دابەشكردنی پارەی كارمەندانی تەواو كردوە، زانیاری و ناوی كارمەندەكانی ئاڕاستەی بنكەكان كردووە.

ئاماژەی بەوەشكردوە لەئێستادا چاوەڕوانی ئەوەن وەزارەتی دارایی پارەی كارمەندان رەوانەی بانكەكان بكات بە مەبەستی دابەشكردنی.

PUKmedia تایبەت