ئاگادارییه‌ك له‌ پاسپۆرتی سلێمانیه‌وه‌ بۆ هاووڵاتیان

.

‏به‌ڕێوه‌به‌رایه‌تی پاسپۆرتی پارێزگای سلێمانی ئاگاداری هاووڵاتیان ده‌كات كه‌ به‌پێی شوێنی جوگرافی و ‏كارتی زانیای(بگاقه‌ سكن) پێویسته‌ هاووڵاتی سه‌ردانی نوسینگه‌و به‌ڕێوه‌به‌رایه‌تیه‌كانی پاسپۆرت بكه‌ن له‌پارێزگای سلێمانی و پارێزگای هه‌ڵه‌بجه‌ به‌م شێوه‌یه‌:

‏1- نوسینگه‌ی پاسپۆرتی سلێمانی/1
ئه‌و هاوڵاتیانه‌ی كارتی زانیارییان سنوری پارێزگای سلێمانییه‌ وه‌كو (سه‌رچنار، ڕاپه‌ڕین، كوردسات، ‏به‌كره‌جۆ، سه‌را، ئازادی، سه‌یوان، ئه‌زمڕ، هه‌واری شار، ڕزگاری، به‌ختیاری و ابراهیم ئه‌حمه‌د)‏
هه‌روه‌ها به‌پێی سنوری جوگرافی ئه‌و هاوڵاتیانه‌ی كارتی زانیارییان سه‌ربه‌م قه‌زا و ناحیانه‌یه‌ ‏‏( دوكان، پیره‌مه‌گرون، بازیان، چوارتا، ماوه‌ت ، قه‌ره‌داغ، پێنجوێن، چه‌مچه‌ماڵ، شۆڕش و ئاغجه‌له‌ر)ه‌  ده‌توانن له‌ ‏به‌ڕێوه‌به‌رایه‌تی پاسپۆرتی سلێمانی مامه‌ڵه‌ی پاسپۆرت ئه‌نجام بده‌ن .‏
‏2- نوسینگه‌ی پاسپۆرتی سلێمانی/ 2 كه‌لار‏
ئه‌و هاوڵاتیانه‌ی دانیشتووی سنوری ئیداره‌ی( گه‌رمیان)ن كارتی زانیارییان سه‌ر به‌( كه‌لار، كه‌لاری ‏كۆن،كفری و ده‌ربه‌ندیخان) له‌ نوسینگه‌ی پاسپۆرتی سلێمانی/٢ ده‌توانن مامه‌ڵه‌ی پاسپۆرت بكه‌ن . ‏
‏3. نوسینگه‌ی پاسپۆرتی سلێمانی/3 ڕانیه‌‏
ئه‌و هاوڵاتیانه‌ی دانیشتووی سنوری ئیداره‌ی( ڕاپه‌ڕین)ن كارتی زانیارییان سه‌ر به‌( ڕانیه‌، قه‌ڵادزێ، ‏پشده‌ر، كێوه‌ڕه‌ش، سه‌نگه‌سه‌ر، چوارقوڕنه‌، حاجیاوا، خدران ، بنگرد)ه‌ له‌ نوسینگه‌ی پاسپۆرتی سلێمانی/3 له‌ ڕانیه‌ ده‌توانن مامه‌ڵه‌ی پاسپۆرت بكه‌ن .
‏4. به‌ڕێوه‌به‌رایه‌تی پاسپۆرتی هه‌ڵه‌بجه‌‏ ئه‌و هاوڵاتیانه‌ی دانیشتووی سنوری پارێزگای (هه‌ڵه‌بجه‌)ن كارتی زنیارییان سه‌ر به‌ ( هه‌ڵه‌بجه‌، ‏سیروان ، خورماڵ، بیاره‌ ، سه‌یدێادق، شاره‌زوور ، به‌مۆ)یه‌ له‌ پاسپۆرتی هه‌ڵه‌بجه‌ ده‌توانن مامه‌ڵه‌ی ‏پاسپۆرت بكه‌ن.‏

PUKmedia راگه‌یاندنی پاسپۆڕتی سلێمانی