فڕۆكه‌خانه‌ی سلێمانی كارمه‌ندانی ئاگادارده‌كاته‌وه‌

.

پۆشینی جلوبه‌رگی كوردی له‌فڕۆكه‌خانه‌ی سلێمانی ئاساییه‌

به‌بۆنه‌ی هاتنی رۆژی جلی كوردییه‌وه‌ پۆشینی جلوبه‌رگی پیرۆزی كوردی له‌سبه‌ینێدا له‌فڕۆكه‌خانه‌ی نێوده‌وڵه‌تی سلێمانی ئاساییه‌.

له‌و باره‌یه‌وه‌ دانا محه‌مه‌د به‌ڕێوه‌به‌ری راگه‌یاندنی فڕۆكه‌خانه‌ی سلێمانی به‌ PUKmedia ی راگه‌یاند: به‌بۆنه‌ی هاتنی بۆنه‌كانی یادی ڕاپه‌ڕین و 8 ی مارس و نه‌ورۆزه‌وه‌ سبه‌ینێ 10-3-2019 پۆشینی جلوبه‌رگی پیرۆزی كوردی ئاساییه‌.

وتیشی: به‌وبۆنه‌یه‌وه‌ جوانترین پیرۆزبایی له‌سه‌رجه‌م به‌ڕێوه‌به‌ران و لێپرسراوان و ئه‌فسه‌ران و فه‌رمانبه‌ران و كارمه‌ندانی فڕۆكه‌خانه‌ ده‌كه‌ین.

ئه‌مه‌ش له‌كاتێدایه‌، هه‌ر به‌و بۆنه‌یه‌وه‌ بڕیاره‌ له‌زۆربه‌ی فه‌رمانگه‌كان و خوێندنگه‌كانی هه‌رێمی كوردستان، سبه‌ینێ یه‌كشه‌ممه‌ كارمه‌ندان و فه‌رمانبه‌ران و خوێندكاران به‌جلی كوردییه‌وه‌ ده‌وام بكه‌ن.

PUKmedia دیار ستار