كونسوڵخانه‌ی ئه‌مریكا له‌ هه‌ولێر هاووڵاتیان ئاگادار ده‌كاته‌وه‌

.

كونسوڵخانه‌ی ئه‌مریكا له‌ هه‌ولێر ئاماژه‌ بۆ ئه‌وه‌ده‌كات، هه‌ندێك كه‌سی ساخته‌كار ئیمێڵ و نامه‌ وه‌كو كه‌سانی سه‌ر به‌‌حكومه‌تی ئه‌مریكا ده‌ناسێنن و ئامانجیان پاره‌ وه‌رگرتنه‌ له‌ هاووڵاتیان و په‌یوه‌ندییان به‌ حكومكه‌تی ئه‌مریكاوه‌ نیه‌.

كۆنسوڵخانه‌ی ئه‌مریكا له‌ هه‌ولێر له‌ راگه‌یه‌نراوێكدا، ئاماژه‌ بۆ ئه‌وه‌ده‌كات، ژماره‌یه‌كی زۆر خه‌ڵك ئیمێڵیان پێده‌گات و مژده‌ یاخود گه‌ره‌نتی وه‌رگرتنی ڤیزه‌ی هه‌مه‌جۆریان پێده‌درێت كه‌ به‌ ڤیزه‌ی #گرین_كارد (مافی مانه‌وه‌ی هه‌تاهه‌تایی له‌ ئه‌مریكا) ناسراوه‌، ئه‌و ساخته‌كارانه‌ی له‌ پشت ناردنی ئه‌م ئیمێڵ و نامانه‌وه‌ن خۆیان وه‌كو كه‌سانی سه‌ر به‌ ‌حكومه‌تی ئه‌مریكا ده‌ناسێنن و ئامانجیان ئه‌وه‌یه‌ پاره‌ له‌و كه‌سانه‌ بكێشنه‌وه‌ كه‌ داواكاریان بۆ ڤیزه‌ی هه‌مه‌جۆر پێشكه‌شكردووه‌.

كۆنسوڵخانه‌ی ئه‌مریكا له‌ هه‌ولێر هاووڵاتیان ئاگادارده‌كاته‌وه‌، كه‌ وه‌زاره‌تی ده‌ره‌وه‌ به‌ هیچ شێوه‌یه‌ك له‌ ڕێگه‌ی ئیمێڵ، نامه‌ یاخود په‌یوه‌ندی ته‌له‌فۆنیه‌وه‌ ئه‌و كه‌سانه‌ ئاگادار ناكاته‌وه‌ كه‌ ناویان بۆ ڤیزه‌كه‌ ده‌رده‌چێت، به‌ڵكو دوای ئه‌وه‌ی ئه‌نجامه‌كان به‌رده‌ست ده‌بن، كه‌سه‌كه‌ خۆی له‌ وێبسایتی ره‌سمی پڕۆگرامه‌كه‌ ناو و ژماره‌ تایبه‌تیه‌كه‌ی داخڵ ده‌كات بۆ ئه‌وه‌ی بزانێت ناوی ده‌رچووه‌ یاخود نا.

به‌پێی راگه‌یه‌نراوه‌كه‌ی كۆنسوڵخانه‌ی ئه‌مریكا له‌ هه‌ولێر، له‌ئێستادا ناونوسین بۆ پڕۆگرامه‌كه‌ به‌رده‌سته‌ و تا 6 مانگی 11 سه‌عات، 8ی ئێواره‌ به‌ كاتی هه‌ولێر ناوتۆماركردن ده‌مێنێت.

PUKmedia راگه‌یاندنی كۆنسوڵخانه‌ی ئه‌مریكا له‌ هه‌ولێر