یادی راپه‌ڕینه‌ جه‌ماوه‌رییه‌كه‌ی پێنجوێن به‌رز راده‌گیرێت

.

له‌ 38ـه‌مین ساڵیادی راپه‌ڕینه‌ جه‌ماوه‌رییه‌كه‌ی پێنجوێندا، قائیمقامیه‌تی قه‌زای پێنجوێن بۆ به‌رز راگرتنی ئه‌و یاده‌ پیرۆزه‌ مه‌راسیمێك سازده‌كات كه‌ تێدا چه‌ند چالاكییه‌ك ئه‌نجام ده‌درێت.

چالاكییه‌كانی ئه‌و مه‌راسیمه‌ بریتین له‌ خه‌ڵاتی مه‌لا عه‌بدولڕه‌حمانی گه‌وره‌ی پێنجوێنی ده‌به‌خشرێته‌ چه‌ند كه‌سایه‌تییه‌كی ماندوو و دڵسۆزی قه‌زاكه‌، بۆ یه‌كه‌مینجاریش كتێبی راپه‌ڕینه‌كه‌ی پێنجوێنی 1980 كه‌ له‌ زاری به‌شداربووانه‌وه‌ یاده‌وه‌رییه‌كان تۆماركراوه‌ بڵاوده‌كرێته‌وه‌، هه‌روه‌ها پێشانگای كتێب له‌لایه‌ن كۆمه‌ڵه‌ی ژیانه‌وه‌-پێنجوێن و پێشانگای كاری ده‌ستی له‌لایه‌ن سیروان شه‌هید به‌كر دارتاشه‌وه‌ ده‌كرێنه‌وه‌، ئه‌مه‌ جگه‌ له‌ سازدانی كۆڕێك بۆ م.عه‌بدولڕه‌حمان عه‌لی ره‌زا سه‌باره‌ت به‌بواری رۆشنبیری.

جێی باسه‌، ئه‌و مه‌راسیمه‌ سه‌عات 10:00ی به‌یانی رۆژی 19-7-2018 له‌ هۆڵی بۆنه‌كان ده‌بێت.

PUKmedia تایبه‌ت