بۆچی مامە ریشە پلە بەرزكردنەوەی رەتكردەوە
بیروڕا 11:30 PM - 2023-01-25
بەیار عومەر عەبدوڵڵا
مامە ریشە ئامر كەرتی 4ی جەباری بووە، لە تیپی 57 ی سەگرمە، كە كاك ئازادی سەگرمە سەرتیپی بووە. ملازم عومەر بەرپرسی مەكتەبی عەسكەری بووە، كە سەرپەرشتی سەرجەم تیپ و كەرتەكانی كردووە.
شایەنی باسە، پێشتر كاك وەهاب بەهادینی شێخ ئەحمەد سەرتیپی 57 ی سەگرمە بووە، دواتر گواستراوەتەوە بۆ تیپی 33 ی شارباژێڕ.
ساڵی 1983 واتە ساڵێك پێش دانوستان و شەهیدبوونی مامە ریشە، ملازم عومەر و كاك ئازادی سەگرمە، بەهۆی ئازایەتی و لێوەشاوەیی مامە ریشەوە، پێشنیاری دروستكردنی تیپێكی بۆ دەكەن.
مامە ریشە پێشنیارەكە رەتدەكاتەوە و دەڵێت: "پێشمەرگەكانی كەرتەكەم، خۆم یەكە یەكە هەڵمبژاردوون، هەمویان خەڵكی چالاك ودەستوەشێنن و لەگەڵ ئەواندا دەتوانم لە چالاكی پێشمەرگانە و پارتیزانی بەردەوام بم و ناوبانگی خۆم بپارێزم". هەروەها دەڵێت: " 8 ساڵ شوان بووم لە جەباری و تەواو شارەزای جوگرافیای ناوچەكەم، ئەگەر ببمە فەرماندەی تیپ، راستە وەكو پلەی پێشمەرگایەتی بەرز دەبمەوە، بەڵام ئەو چالاكی و ناوبانگەم نامێنێت، چونكە ژمارەی پێشمەرگەكان زۆر زیاد دەكەن و لەوانەیە كۆنترۆڵم بەسەریاندا نەمێنێت و زۆر شارەزای ناوچەكەش نەبم".
بە كوردییەكەی وتویەتیی، من پێویستم بەوە نیە پێم بڵێن سەرتیپە، بەڵكو وەكو ئامر كەرت دەتوانم چالاكتر بم، چونكە خۆم راستەوخۆ سەرپەرشتی پێشمەرگەكان ئەكەم و كات و شوێن و جۆری چالاكییەكان هەڵدەبژێرم و لەگەڵیاندا ئەچم بۆ شەڕەكان.
ئەمە سەلمێنەری ئەوەیە كە ناوبانگی جوان و خۆشەویستی خەلك بە پلە و پایە نیی، دەكرێت مرۆڤ لە پلەیەكی بەرزدا بێت و بێبەرهەم بێت، دەكرێت بە پێچەوانەشەوە، كەسێك بتوانێت لە پلەیەكی سادەتردا، چالاكتر و كاریگەرتر و خۆشەویستر بێت.
گەورەیی و زیرەكی مامە ریشە لەوەدا بووە كە لەو زەمانەدا مەسئولیەتی رەتكردووەتەوە و چالاكی و خۆشەویستی خەڵكی هەڵبژاردووە. سڵاوبۆ یادی مامە ریشەی قارەمان. درود بۆ گیانی پاكی سەرجەم شەهیدانی خاك و نیشتمان.
PUKMEDIA
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25