Serokkomar:Îraq piştgiriyê tedbîrên ji bo pêşxistina aştiyê dike

Nivîsingeha Ragihandin Serokkomar

Serokkomar û Wezîrê Derve yê Îranê

Serokkomarê Îraqê Nîzar Amêdî pêşwazî li Wezîrê Derve yê Îranê Ebas Iraqçî û şandeya pêre kir.

Di civîna îro Yekşem têkefta (28-06-2026) an li Koşka Bexdayê de, herdu aliyan li ser pêşketinên herêmî û navneteweyî axivîn,tevî pêşketinên dawî yên li herêmê û pêwîstiya pêşîgirtina li pêşketinên din,her wiha wan li ser rêkeftina dawî ya di navbera Komara Îslamî ya Îranê û Amerîkayê de ji bo bidawîanîna şer gotûbêj kirin.

Serokkomar tekez li ser girîngiya diyalogê ji bo afirandina hawîrdorek guncaw û avakirina têgihîştinek mayînde ku pirsgirêkên heyî çareser bike û ji ewlehî û aramiyê re xizmetê bike kir.

Hevdem Serokomarê Îraqê got:Îraq piştgiriyê dide hemû tedbîrên ku aştiyê li herêmê pêş dixi û parastina serweriya dewletan û beşdarbûna di çareserkirina nakokiyan de bi riya dîplomasiyê û dûrketina ji zêdebûna aloziyê û bikaranîna hêzê

Ji aliyê xwe ve, Iraqçî spasiya welatê xwe ji bo helwest û hewldanên Iraqê yên ji bo kontrolkirina qeyranê û nêzîkkirina nerînan anî ziman û tekez li ser pabendbûna welatê xwe ji bo berdewamiya hevahengî û şêwirmendiyên hevbeş û afirandina bingehek berfirehtir ji bo hevkariyê û têgihîştinê li ser pirsgirêk û pêşkeftinên heyî kir.

PUKMEDIA