Nîzar Amêdî: Bila bîranîna Aşûrayê bibe karwana avakirina dewletê

PUKMEDIA

Serokkomarê Îraqê

Serokkomarê Îraqê Nîzar Amêdî, di peyamekê de ku bi boneya salvegera Aşûrayê arasteyî gelê Îraqê kir, teqezî li ser pêwîstiya wergirtina waneyên mezin ji serhildana Îmam Hisên (silavên xwedê lê bin) di karwana avakirina dewletê û çespandina ewlehî, aramî û serweriya yasayê de kir.

Herwiha got: Di serî de bawerî bi çaksaziyê, pabendbûn bi dadperweriyê, rêzgirtin li rûmeta mirov, pêşxistina berjewendiya giştî û çespandina nirxên hemwelatîbûn, bi hev re jiyîn û yekrêziya nîştimanî.
Serokkomarê Îraqê bal kişand ser we ku salvegera Aşûrayê tenê ji bo bîranîna raboriyê nîne, belku handerek e ji bo wergirtina nirxên wê yên bilind di rûbirûbûna kêşeyên îro û avakirina paşerojê de, bi şêwazekî ku yekîtiya civakê bihêz bike, yekrêziya nîştimanî biparêze û çanda diyalog, lêborîn û hevkariyê di navbera hemû zarokên nîştiman de biçespîne.

Nîzar Amêdî herwiha da zanîn ku misliman bi hemû mezheb, dibistan û bîr û fikarên xwe yên cuda ve, li ser hezkirina Ehlê Beyta Pêxemberê Îslamê (silavên xwedê lê bin), rêzgirtina li wan û şanazîkirina bi pêgeha wan a bilind di dîrok û wijdana ummeta îslamî de hevdeng in.


PUKMEDIA