Erdheja li Venzewêlayê û tirsa tsunamiyê heye

PUKMEDIA

Venezewêla

Du erdhejên bi hêz Venezewêla hejandin û karesateke mezin bi xwe re anîn. Ji ber zêdebûna zirar û ziyanên madî, ajans behsa egerê rûdana tsunamiyê li wê deverê dikin.

Ajansan ragihandin ku: Îro serê sibehê du erdhejên bi hêz bi pileyên 7.2 û 7.5 herêma Venezewêla hejandin, ku navbera her duyan tenê 39 çirke bûn. Erdhej bû sedemarûxan û hilweşandina gelek avahî, her weha hişyarî li ser çêbûna pêlên tsunamiyê tê dan.
Ew yek jî tê eşkere kirin ku tîmên hewarçûnê ku ji 500 kesan pêk tên, hewla alîkarîkirina xelkê didin û heta niha karîne 18 kesan bi zindî ji bin kavilên avahiyên rûxayî rizgar bikin. Li gorî zanyariyên destpêkê, mirina 30 kesan hatiye ragihandin û zirar û ziyan di asteke bilind de tên texmînkirin.

Serokê Amerîkayê Donald Trump, bi rêya daxuyaniyekê li ser torên civakî diyar kir ku welatê wî amade û bi kelecan e û şiyana wî heye ku alîkariyê pêşkêş bike, û ragihand: Hemû saziyên hikûmeta me hatine agahdarkirin da ku bi lezgînî ji bo alîkariyê amade bin, mixabin zanyariyên destpêkê yên derbarê rûdanê de ne dilxweşker in.

Hevdem, Seroka bi wekalet a Venezewêla Delcy Rodríguez, ji ber zêdebûna ziyanên erdhejê li seranserê welat rewşa awarte ragihand. Ji aliyê din ve, wê spasiya xwe ji bo piştgirî û alîkariyên Serokê Amerîkayê diyar kir, yên ku piştî erdheja wêranker pêşkêşî welatê wê kirine.

PUKMEDIA