Di êrîşeke de li Dêrîkê dayîk û keça xwe hatin kuştin

Medya

Bajarê Dêrîka Hemko

Li bajarê Dêrika Hemko ya Rojavayê Kurdistanê di êrîşeke çekdarî de li ser malekê, di encamê de dayîk û keça xwe ya 4 salî hatin kuştin û bavê wê zarokî jî birîndar bû.

Li gorî çavkaniyên herêmî yên li Dêrika Hemko ya Rojavayê Kurdistanê de Hesne Newaf Omer a 35 salî û keça wê ya 4 salî Nalîn Xelîl Husam jiyana xwe ji dest dan û bav Xelîl Hesam birîndar bû piştre êrîşkar bi kamyoneteke Toyota ya spî reviyaye.

Ev yek di demekê de yeku hîna sedema êrîşê nayê zanîn, û hêzên ewlehiyê jî derbarê bûyerê hîna ti daxuyaniyek nedane raya giştî û lêpirsîna derbarê bûyerê berdewam e.

PUKMEDIDA