Trump razîbûna Îranê ji bo pişkinîna atomî radigihîne û Tehran jî red dike

BBC

Ala Amerîka û Îranê

Di navbera daxuyaniyên Trump û Îranê yên li ser pişkinîna binesaziya atomî de nakokî heye û Trump dibêje: Îran razîbûna xwe ji bo vekolînê nîşan daye, Îran jî dibêje ku ew ê destûrê nede ajansa navneteweyî ya wizeya atomî ku vekolîne di binesaziya atomiyê de bike.

Serokê Amerîkayê Donald Trump bi rêya malpera (Truth Sosyal) ragihand ku, Îran bi tevahî piştgiriyê dide asta herî bilind a pişkinînên atomî, û amaje bi wê yekê jî kiriye ku danûstandinên bi Tehranê re baş birêve diçin û bêyî vê razîbûnê, dê tu danûstandinên din çê nedibûn.

Trump got jî: Pereyê Îranê dê di bin kontrola Washingtonê de be û dê tenê ji bo kirîna xwarin û pêdiviyên bijîşkî ji Amerîkayê were bikar anîn.

Di vê navberê de, berdevkê Wezareta Derve ya Îranê Îsmaîl Beqayî ew daxuyanî red kirin û got ku welatê wî dê nehêle Ajansa Navneteweyî ya wizeya Atomî binesaziyên atomî yên ku berê ji hêla Amerîka û Îsraîlê ve hatine bombebaran kirin vekolîne.

PUKMEDIA