Danûstandinên Amerîka û Îranê hatin paşxistin

PUKMEDIA

Îran û Amerîka

Biryar bû ku îro înê 19ê Hezîrana 2026an, Amerîka û Îran li havîngeha Bêrginştok a Swîsreyê bicivin, lê ji bo demekî ne diyar hat paşxistin. Wezareta Derve ya Swîsreyê jî dibêje: Em ê li ser amadekarî û hêsankirina danûstandinan berdewam bin.

Ajansa nûçeyan a France-Presse (AFP), ji zarê Wezareta Derve ya Swîsreyê ragihand ku ew danûstandinên ku biryar bû di navbera Amerîka, Îran, Qeter û Pakistanê de birêve biçin hatine paşxistin. Lê belê wezaretê diyar kir ku ew her tim amade ne ji bo hêsankirina van danûstandinan û amadekariyên pêwîst li herêma Bêrginştok berdewam dikin.

Ev di demekê de ye ku her çend heta niha sedema fermî ya paşxistina danûstandinan nehatiye belavkirin, lê şeva borî berdevka Koşka Spî ya Amerîkayê ragihand: Karûbarên amadekarî û lojîstîkî yên ji bo destpêkirina danûstandinên rastexweş ligel Îranê ne hêsan û sade ne, ji ber vê yekê îşev Cîgira Serokê Amerîkayê Waşîntonê bi cih nahêle û geştê nake bo welatê Swîsreyê.


PUKMEDIA