Qubad Talebanî û Balyozê Brîtanya:Divê kelemên li pêş avakirina hikûmetê bên rakirin

Ragihandina Cîgirê Serokwezîr

Qubad Talebanî û Îrfan Sadiq, Balyozê Brîtanya li Îraqê

Qubad Talebanî Cîgirê serokwezîr pêşwazî li balyozê Brîtanya yê li Îraqê Îrfan Sadiq kir û di cîvîna navbera xwe de çend mijarên girîng yên hevbeş hatin gotûbêjkirin.

Di destpêka civîna ku îro roja Sêşemê (16/06/2026)an bi amadebûna Andrew Beasley, Konsulê Giştî yê Brîtanya yê li Herêma Kurdistanê bi rêve çû, Qubad Talebanî pîrozbahî li Balyozê Brîtanî kir ji bo serdana wî ya Laleş û El qûşê û agahdarbûna ji rewşa jiyana welatiyên Êzdî û Xiristiyan yên li herêmê.

Piştre,herdu alî li ser pêwîstiya piştgiriya hikûmeta nû ya Îraqê li hev kirin û tekez li ser pêwîstiya zêdekirina hewldanên ji bo çareserkirina pirsgirêkên di navbera Herêma Kurdistanê û Bexdayê de di vê qonaxê de kirin.

Her wiha bi pêwîst hat dîtin ku her du hikûmet ji bo pêşxistina aboriya Îraqê û baştirkirina mercên jiyana welatiyan hevkariyê bikin û hevahengiyê bikin.

Di tewrek din ya civînê de behsa rewşa herêmê hate kirin, û bi girîngî behsa peymana di navbera Amerîkayê û Îranê de hate kirin.

Herdu alî li hev kirin ku ev peyman derfeteke girîng e ji bo çareserkirina nakokiyên di navbera herdu welatan de û dê bandorek mezin li ser ewlehî û aramiya tevahiya herêmê bike.

Di beşek din ya civînê de, her du aliyan li ser rewşa siyasî navxwe ya Herêma Kurdistanê gotûbêj kirin û tekezî li ser pêwîstiya destpêkirina danûstandinan û rakirina astengiyên li pêşiya avakirina hikûmetê hate kirin.

Her di vê çarçoveyê de, Qubad Talebanî behsa hevdîtina duh bi Tom Barack, Nûnerê Taybet ê Serokê Amerîka yê ji bo Îraq û Sûriyê re kir û ew wekî hevdîtinek berhemdar bi nav kir û têde Serokê YNKê siyaset û helwesta YNKê ya derbarê avakirina hikûmeta nû ji nûnerê Amerîkî re zelal kiriye.

PUKMEDIA