Macron giring dibîne…Trump îmzekirina peymanê radigihîne

AFP

Trump û Macron

Serokê Amerîkayê Donald Trump got ku; peymana têgihêştina bi Îranê re hatiye îmzekirin û Tengava Hormizê "bi qismî" hatiye vekirin, diyar jîkir ku, tengav dê roja Înê ya bê piştî merasîma îmzekirinê bi tevahî were vekirin.

Dema ku Trump roja Duşemê, 15ê Hezîrana 2026an, ji bo beşdarbûna civîna G7 gihîşt bajarê Evian ê Fransayê, ragihand ku, Îranê qebûl kiriye ku nebe xwediyê çekên navokî, ku ev jî bingeha nakokiyan bûye.

Serokê Amerîkayê piştrast kir ku Cîgirê wî, (J.D. Vance), dê roja Înê ya bê beşdarî merasîma îmzekirinê bibe, û destnîşan kir ku ew dixwaze naveroka peymana têgihîştinê bi Îranê re eşkere bike "ji ber ku ew belgeyek girîng û bihêz e, û em ê di demek nêzîk de belav bikin."

Trump got ku sivikkirina dorpêçên li ser Îranê "dê bi reftarên wê ve girêdayî be", û zêde kir û got: Tengava Hormizê dê "piştî ku ji mayîn werin paqijkirin" bi tevahî bêpere were vekirin.

Di pêşveçûnek têkildar de, Serokê Fransayê Emmanuel Macron piştrast kir ku peymana têgihîştinê gavek pir girîng bû û dê rê bide vekirina Tengava Hormizê.

Macron di civîneke çapemeniyê de ligel Trump got jî: "Artêşa Fransî amade ye ku li Tengava Hormiz alîkariyê bike ger Amerîka bixwaze pêşniyarê qebûl bike."

PUKMEDIA