Li Swîsreyê rêkeftineke Îran û Amerîkayê tê îmzekirin

PUKMEDIA

Rêkeftina Îran û Amerîka

Komara Îslamî ya Îranê û Amerîkayê duh Yekşem 14ê Hezîrana 2026an, ragihandin ku wan lihevkirinek ji bo bidawîkirina şerê di navbera her du welatan de, rakirina dorpêçên ku Amerîkayê li ser Îranê ferz kirine û vekirina Tengava Hormizê pêk anîne. Biryar e ku peyman roja Înê, 19ê Hezîranê li Cinêfê Swîsreyê were îmzekirin.

 Di wê batrê de serokê Herêma Kurdistanê Nêçîrvan Barzanî pêşwaziya ragihandina peymana di navbera Amerîkayê û Îranê de kir, û hêviya xwe anî ziman ku ev gav dê bibe alîkar ji bo xurtkirina ewlehî, aramî û serfiraziyê li ser asta herêmî.

Nêçîrvan Barzanî di postek li ser hesabê xwe yê fermî yê X de got: Ez pêşwaziya peymana di navbera Amerîkayê û Îranê de dikim, û got ez hêvî dikim ku hemî alî bi niyetek baş ji bo pêkanîna tevahî ya peymanê bixebitin, bi armanca xurtkirina aramî, ewlehî û serfiraziyê li herêmê.
 Wî her wiha spasiya xwe ji bo hemû aliyên ku beşdarî hêsankirin û misogerkirina serkeftina vê rêkeftinê bûne, anî ziman û got, Ez spasiya xwe ya dilsoz ji bo hemû kesên ku di hêsankirin û piştgiriya vê destkeftiyê de rol lîstine, pêşkêş dikim.
Sekreterê Giştî yê Neteweyên Yekbûyî Entoniyo Gutrês got, Em pêşwaziya daxuyaniya ku Amerîka û Îran gihîştine rêkeftineke aştiyê dikin ku agirbesteke tavilê û mayînde jî di nav de ye, dikin.


PUKMEDIA