Kurte fîlmek li ser jiyana Kurdan li Sûriyeyê hat nimayîş kirin

PUKMEDIA

Beşdarên Çalakiyê

Li bajarê Stuttgart ya Almanya, çalakiyek hunerî û çandî hate lidarxistin, ku ji bo nîşandana çend kurtefîlmên li ser jiyana Kurdan li Sûriyeyê di dema desthilatdariya Beşar Esed de hate veqetandin.

Kurtefîlman bi awayekî rast zilm û neheqiya ku ji hêla rejîmê ve li dijî gelê Kurd dihat kirin, nemaze êşa jinên Kurd di wê demê de, vedigotin. Fîlm wêneyek rastîn a jiyana rojane û têkoşîna Kurdan di bin fişara rejîma Beşar Esed de bûn.

Di dawiya çalakiyê de, Serokê Federasyona Cîhanî ya Kurdan Rêbaz Necim, xelatek taybetî wek rêzgirtin da derhênera fîlmê, Xanim Şam Çolî, ji bo nasandina hewildan û destkeftiyên wê yên hunerî.

Rêbaz Necim destnîşan kir ku huner û fîlm dikarin dengê parêzvanên mafên mirovan û bindestan bigihînin cîhanê û rastiyên dîrokî biparêzin.

Federasyona Cîhanî ya Kurdan her wiha girîngiya piştgirîkirina xebatên hunerî û çandî yên ku ji bo pêşvebirina dîrok, çand û êşa gelê Kurd xizmetê dikin, tekez kir.

PUKMEDIA