Serokomar: YNKê xwedî dîrokek tejî qurbanîdane

ragihandina Serokomarê Îraqê Nizar Amêdî

Serokomarê Îraqê Nizar Amêdî

Serokomarê Îraqê Nizar Amêdî bi boneya 51emîn salvegera damezrandina Yekîtiya Nîştimanî ya  Kurdistanê YNKê serdana baregeha Mekteba Siyasî ya YNKê li Bexdayê kir û ji aliyê wezîrê dadê yê Îraqê û berpirsê Mekteba Siyasî ya YNKê li Bexdadê Xalid Şiwanî û hêjmarek berpirsên din ve hate pêşwazî kirin.

Di gotarekê de ku îro Duşemê 1-6-2026an de pêşkêş kir, Serokomar pîrozbahiya salvegera damezrandina YNKê li serkirde û endamên YNKê kir, di serî de jî Serokê YNKê Bafil Celal Talebanî, Her wiha pesnê dîroka YNKê da, ku tê de fedakarî û helwesta nîştimanperwerî a endamên wê di parastina mafên gel û beşdarbûna di avakirina dewletek federal a demokratîk û dijberiya dîktatorî û zilmê de hene.

Serokomar tekez jî kir ku YNK di xurtkirina prensîbên hevkariya neteweyî û xurtkirina pêvajoya demokratîk li welêt de stûnek girîng bûye û wê her weha jî bimîne.

Serokomar behsa qurbaniyên şehîdan û azadîxwazan kir ku ji bo azadî û rûmetê canê xwe dane.
Amaje bi wê  yekê jîkir ku Yekîtiya Niştîmanî ya Kurdistanê (YNK) bi serokatiya Bafil Talebanî û bi piştgiriya serkirde, endam û alîgirên xwe, di avakirina Herêma Kurdistanê, xurtkirina demokrasiyê û federaliyê û xizmetkirina îradeya hemû Îraqiyan ber bi paşerojek aramtir û geştir de roleke çalak dilîze.

PUKMEDIA