Raperîn dibe navendeke weberhênana navxweyî û biyanî

Ragihandina Qubad Talebanî

Qubad Talebanî Dezgeha Pêşxistina Navçeya Raperînê ragihand

Qubad Talebanî, Cîgirê Serokwezîran di merasîmekê de li rêveberiya Raperînê bi fermî Dezgeha Pêşxistina Navçeya Raperînê bi fermî ragihand ku  ji îro ve cî bi cîkirina projeya pêşxistina devera Raperînê dest pê dike.

Merasîm roja Yekşemê, 31ê Gulana 2026an, bi amadebûna konsulên Brîtanya, Fransa û Ermenistanê hat lidarxistin, cîgirê Serokwezîr di gotarekê de got:Piştî lêkolîn û şêwirmendiyên berfireh digel pisporên herêmî, saziyên akademîk û hevkarên navneteweyî, bi taybetî hikûmeta Brîtanî re, me projeya damezrandina Dezgeha Pêşvebirina nvçeya Raperînê dirust kir.

Her weha got:Ev dezgeh wek sîwanekê ye ku kerta taybet, kerta giştî, zanîngeh û navendên akademîk, civaka sivîl û hemû beşên herêmê bi awayekî çalak beşdarî pêvajoya pêşxistina rêveberiya Raperînê dibin.

Qubad Talebanî aşkere kir ku dezgeh ne tenê navendeke lêkolînê ye, di heman demê de rêbazeke nû ye ji bo birêvebirina herêmê ku dê hemû pirsgirêkên ku pêşkeftin û weberhênanê di warên cûda de pêre rû bi rû dimînin çareser bike, û hevkar dibe di cî bi cîkirina nêrînên nû û navçeyê dike navendek ji bo balkêşan û weberhênan navxweyî û biyanî.

Cîgir serok wezîr spasiya hevbeşên navdewletî û bi taybetî li hikûmeta Brîtanya kir ku piştevan û beşdar in di proseya pêşxistina navçeya Raperînê û got:Di Demeke nêzîk de ev modêlên pêşxistinê li navçeyê û deverên din yên Kurdistanê dê bên cî bi cîkirin.

PUKMEDIA