Dîtina çekên kîmyewî yên serdemê Beşar Esed dest pê dike

Ajans

Çekên kîmyawî li Sûriyê

Amerîka û civaka navdewletî ji bo destpêkirina pêvajoya dîtina çekên kîmyewî yên serdemê Beşar Esed hatine ser xetê.

Di geşedaneke nû de derbarê dosyaya çekên kevin yên Sûriyê, Tom Barak nûnerê taybet ê Amerîkayê ji bo karûbarên Sûriyê li ser tora civakî ya X ragihand: ku dîtin û parastina wan çekên kîmyewî yên nehatine ragihandin ku ji serdemê rêjîma berê ya Beşar Esed mabûn, gaveke çarenûssaz e ji bo misogerkirina paşeroja Sûriyê û parastina ewlehiya navdewletî.
Barak serkeftina vê gavê vegerand ji bo hewldanên hevbeş yên desthilatdarên niha yên Sûriyê û Rêxistina Qedexekirina Çekên Kîmyewî (OPCW), ku bi piştgiriya rastexwe ya serokê Amerîkayê û Hevpeymanên navdewletî tê encamdan, her weha da zanîn ku ev destpêka dawîanîna li mîrateya hov a çekên kîmyewî ye li wî welatî.

Ev tevger di demekê de ye ku Waşîngton û civaka navdewletî bi giranî çavdêriya rewşa ewlehiyê ya Sûriyê dikin, bi taybetî piştî guhertinên siyasî yên vê dawiyê li Şamê, bi mebesta ku rê li ber ketina wan madeyên metirsîdar û kujer bo destê grupên çekdar yên cuda bigrin.


PUKMEDIA