Sê bazirganên madeyên hişber hatin desteser kirin

Asayîşa Herêmê

Wêneyê girtiyên madeyên hişber

Dezgeha Asayîşa Herêma Kurdistanê girtina sê bazirganên madeyên hişber û desteserkirina 12 kîlogram madeyên  hişberîji cure marîwaneda ragihand.

Di daxuyaniyekê de amaje bi  wêyekê hatiye kirin ku; Rêveberiya Giştî ya Asayîşa Silêmaniyê, Rêveberiya Nehêştina Madeyên Hişber bi hevahengiya Rêveberiya Giştî ya Asayîşa Hewlêrê, Rêveberiya Nehêştina Madeyên Hişber û Rêveberiya Madeyên Hişber a Hikûmeta Federal a Îraqê di du operasyonên cuda de karîne bi qasî 12 kîlogram madên hişber ji curê Marîwaneda desteser bikin û 3ê bazirganên madeyên hişber jî  ku xwediyên regeznameya biyanî ne li sînorê Silêmaniyê destgîr bikin.

Her weha hatiye aşkere kirin ku di operasyona yekem de ku di 21/5/2026`an  hatibû encamdan  tometbarekî biyanî li Silêmaniyê digel 5 kîlo û 200 gram madeyên hişber hatiye destserkirin.

Her weha piştî lêkolînan derdikeve holê ku tometbar bi qasî 5 kîlo û 500 gram madeyên hişber di mala xwede li bajarokê Hacî Omeran jî veşartiye û ji aliyê asayîşa Hewlêrê ve hatiye desteser kirin, diyar dibe ku tometbar 10 kîlo û 700 gram  madên hişber aniyê Herêma Kurdistanê.

Ew jî hat diyar  kirin ku di operasyopna duyemîn de jî di 21/5/2026`an de, rêveberiya nehêştina madên hişber û rêveberiya asayîşa bazgehan li sînorê Silêmaniyê karîne du tometbarên din bigrin û bi qasî yek kîlo û 300 gram madên hişber desteser bikin.

Amaje bi wê yekê jî hatiye  kirin ku di niha de ew tometbar bi madeya 25 ji yasaya madeyên hişber hatine girtin û lêkolîn li dosyeyên wan berdewame.

PUKMEDIA