Washington mêvandariya Qubad Talebanî û berpirsên payebilind ji bo diyaloga li Îraqê dike

Nivîsingeha Ragihandina Qubad Talebanî

Beşdariya Qubad Talebanî di diyaloga Îraqê de

Qubad Talebanî beşdarî Diyaloga Îraq 2026 bû, ku ji hêla Civata Atlantîk ve li Washingtonê hatibû sazkirin, têde hejmarek karbidestên Îraqî û navneteweyî ji bo guftûgokirina pêşketinên herêmî, aramiya siyasî û pêşeroja peywendiyên di navbera Îraq û Amerîka de civiyan.

Di diyalogê de Cîgirê Serokwezîrê Iraqê Qubad Talebanî ragihand ku,rola Îraqê bi wê ve girêdayî ye ku gelo ew dixwaze pêgeha  xwe wekî hêz yan qelsiyek bibîne, eger Îraq bixwaze cihê xwe yê cografîk wekî sermaye, hêz û derfetek ji bo manevrayê bibîne, ew dikare wiya bike,bi awayekî, li gorî min tiştê ku Îraq dibe ku hîna fêm nekiribe ev e ku gelek kêm welatên mîna wê hene.

Her weha aşkere kir ku her kes dixwaze bi Îraqê (Rojhilat, Rojava, Ewropa, Amerîka, Çîn, Rûsya) û welatên herêmê re peywendiyên baş hebin, ji ber ku Îraqeke stratejîk ji bo avakirina peywendiyên baş bi her kesî re kar dike.

Hikûmeta nû dê şaşiyan sererast bike

Qubad Talebanî bal kişand ser wê yekê û got: Me siyasetek bê alî pejirand û pir vekirî û şefaf bûn û li dijî vî şerî bûn, ji ber ku ew ne ji bo Iraqê û ne jî ji bo Kurdistanê baş bû, em hêvî dikin ku ev agirbest berdewam bike û bibe peymanek mayînde, ji ber ku ewê ji bo hikûmeta nû ya ku niha li Îraqê tê avakirin alîkariyek mezin be, li gorî me hikûmeta nû derfet heye ku şaşiyên ku li dijî Kurdistanê yan jî her pêkhateyên din hatine kirin sererast e

Qubad Talebanî dazanîn ku eger komek di nav dewletê de li dijî dewletê kar bike, berpirsiyariya dewletê ye ku bi wan re mijûl bibe.

Divê em alîkar bin di arastekirina welêt de

Cîgirê Serokwezîrê Hikûmeta Herêma Kurdistanê  got: Me biryareke stratejîk daye ku em li Bexdayê binSerokê YNKê jî niha li , wir e ji ber ku biryarên biryardar li wir tên dayîn û em nikarin li derveyî pergalê bin û dema ku welat ber bi aliyekî ku em jê hez nakin ve diçe gazinan bikin, divê em li wir bin û alîkariya rêvebirina welêt bikin. Me bi salan e ji derve li Bexdayê dinêrî û têkiliyên me li ser bingeha "bide min û ezê bidim te" ne, lê ev 10 heta 15 salan encamên wê nebûye.

Her weha got: Li Îraqê nifşekî nû yê serkirdayetiya ciwan û neteweyî derketiye holê, ku tê çaverêkirin ku Îraq di hikûmeta bê de ber bi serxwebûneke mezintir û hevsengiyeke siyasî ve biçe.

Girîngiya Îraqê ji bo Amerîka kêm nebûye

Derbarê têkiliyên Îraqê bi Amerîkayê re, Qubad Talebanî got: Girîngiya Îraqê ji bo Amerîka kêm ne bûye, tenê cureyê têkiliyê guheriye têkiliyeke saziyî û dîplomatîk ya asayî, mîna welatên din, berê, têkilî bi rêya nûnerên taybet dihatin kirin, lê niha têkiliyeke me ya piralî bi Amerîka re heye, ku warên aborî, yasayî û ewlehiyê digire nav xwe û hemahengiya ewlehî û şerê li dijî terorê bi hevalbendan re di asteke bilind de ye, her weha girîngîdana Amerîka bi kertên aborî, petrol, gaz û madenê yên li Îraqê zêde dibe.

PUKMEDIA