Kêlgehek mezin ya petrolê li Necefê hate dîtin

Ragihandina Wezareta Petrolê

Kêlgeha hatiye dîtin

Wezareta Petrolê ya Îraqê dîtina kêlgehek petrolê li parêzgeha Necefê ragihand, ku tê pêşbînî kirin ku nêzîkî neh Milyar bermîl petrol tê de hebe.

Heyan Ebdulxenî, Cîgirê Serokwezîrê Îraqê û Wezîrê Petrolê di dema pêşwazîkirina li şandeke Kompaniya Petrolê ya Çînî ya Xinhua li zeviya Qerneyn ya parêzgeha Necefê kêlgehek mezin ya petrolê dît.

Li gorî daxuyaniya wezaretê tê pêşbînî kirin ku ew kêlgeh 8 Milyar û 835 Milyon bermîl petrola yedek li xwe bigire ku rojane 3 Hezar û 248 bermîlan berhem bîne.

Wezîrê petrolê yê Îraqê tekez kir ku pêwîste karkirin li kêlgehê bileztir bê kirin, daku ew bikaribin dest bi hilberîna petrolê bikin û ji Gaza Xwezayî ya herêmê sûd werbigirin.

Ev proje di çarçoveya gera pêncemîn ya temamkirinê û gera şeşemîn ya moletên petrolê de ye ku ji Kompaniya Çînî Xinhua re hatiye dayîn.

Rûbera Kêlgeha Qereneyn 8 Hezar û 773 kîlometre Çar Goşeyî digire nav xwe li parêzgeha Necefê,ku sînorê wê bi Erebistana Siûdiyê re heye, û ew wekî yek ji herêmên herî dewlemend yên petrol û gazê tê hejmartin.

PUKMEDIA