Ji ber teqînekê li Pakistanê hejmarek Efserên Polîs hatin kuştin

Cîhan 02:18 PM - 2026-05-10
Wêneya cihê bûyerê AP

Wêneya cihê bûyerê

Cîhanî

Di êrîşeke otomobeleke bombekirî de li dijî binkeya polîsan li Pakistanê herî kêm 15 Efserên Polîs hatin kuştin û çend polîs din jî birîndar bûn.

Ajansa nûçeyan a Reutersê ji zarê polîsên Pakistanî ragihand:Îro 10ê Gulanê de li Pakistanê, dema ku otomobeleke bombekirî binkeyek polîsan teqand, herî kêm 15 efserên polîs hatin kuştin û çend wesayît şewitîn. 

Ji aliyekî din ve, Bepirsê polîsan Secad Xan di daxuyaniyekê de ragihand ku termên 15 efseran ji bin xirbeyên baregehê hatin derxistin û sê karmendên din jî birîndar hatin dîtin û ji bo dermankirinê şandin nexweşxaneyê.

Hevdem karbidestekî din yê polîs, ku nexwest navê wî were eşkerekirin, ji Reutersê re got: Êrîşkar bi otomobeleke bombekirî ketine nav baregehê, dû re gule li polîsên ku çûne rizgarkirinê vekirine, di kemînekê de bi karanîna dronan çend polîs kuştine.

Ev yek jî di demekê de ye ku,Hevpeymaniya Çekdar a bi navê Îtîhad El Mucahîdîn berpirsiyariya êrîşê girt ser xwe.

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket