Xwendekarên Zanîngeha Rojava meşek ji bo destûrkirina zimanê Kurdî li dar xist

PUKMEDIA

Rojava

Xwendekarên Zanîngeha Rojava li bajarê Qamişloyê meşek li dar xistin, ku mamoste jî têde beşdar bûn û xwestin ku zimanê Kurdî di destûra Sûriyeyê de wek zimanê fermi were pejirandin û parastin ji berk u beşeke bingehîne ji nasname û çenda gelê Kurde.

Meş ji pêşiya avahiya Zanîngeha Rojava ya bajarê Qamişloyê ber bi çerxerêya şehîd Osman Sebrî ve dest pê kir. Di meşê de pankartên "Bê ziman jiyan nabe" û "Zimanê me hebûn û welatê me ye" hatin bilind kirin, û deqeyek bê dengî sekinîn. Piştre endamê Desteya Rêveber a Zanîngeha Rojava Aram Hesen daxuyanî xwend ku têde hate gotin, Ziman ne tenê amrazeke peywendiyê ye, lê bîra dîrokî, sembola rûmeta neteweyî û stûna bingehîn a hebûna her gelekî ye.
Amaje bi wê jî kir ku fêrbûna zimanê dayîkê mafeke cîhanî ye bazar têde nayê kirin, Vîna gel û nasnameya wê jbi rêya ziman û çandê geşe dikin.

Her weha daxuyaniyê tekezî li ser wê yekê kir ku divê zimanê kurdî wekî zimanekî fermî di destûra nû ya Sûriyeyê de were qebûlkirin û hate gotin, "Paşguhkirina zimanê kurdî û helwestên neyînî yên li hemberî wê înkarkirine ji hebûna gelê Kurde û binpêkirina pirensîbên jiyana hevbeş e.
Di dawiya daxuyaniyê de hate gotin dê têkoşînê bidomînin heta ku zimanê kurdî wekî zimanê zanist, huner û azadiyê were naskirin.

PUKMEDIA