Serok Bafil:Armanca me avakirina hikûmetek bi hêz e

Ragihandina Serokê YNKê

Civîna Serok Bafil digel Elî Zeydî

Bafil Celal Talebanî Serokê Yekîtiya Niştimanî ya Kurdistanê (YNK) li Dabaşanê pêşwaziya Elî Zeydî kir.

Di civînê de Endamên Mekteba Siyasî ya YNK’ê Qubad Talebanî, Derbaz Kosret Resûl û Xalid Şûanî û Sekreterê Çarçoveya Hemahengî Ebas Razî amade bûn,tekezî li ser pêwîstiya lezandina hewldanên aliyên siyasî yên li Îraq û Herêma Kurdistanê ji bo pêkanîna hikûmeteke nîştimanî û xizmetguzarî ya bihêz li ser bingeha destûrê hate kirin.

Bafil Celal Talebanî bi xêrhatina li Elî Zeydî li Silêmaniyê kir û kêfxweşiya xwe anî ziman ku ciwanek dê vê posta bilind li Îraqê bigire û piştgiriya Yekîtiya Niştimanî ya Kurdistanê (YNK) ji bo wî tekez kir.

Di civînê de tekezî li ser çareserkirina pirsgirêkên helwastî yên di navbera Herêma Kurdistanê û Îraqê de hate kirin û Serok Bafil got: Armanca me ew e ku em hikûmetek bihêz dirust bikin ku ji bo welatiyên xwe jiyaneke baş peyda bike, pirsgirêkên aborî û ewlehiyê derbaz bike û mafên hemû gelên Îraqê, bi taybetî gelê Kurd biparêz.

Ji aliyê xwe ve, Elî Zeydî kêfxweşiya xwe ji bo serdana Silêmaniyê anî ziman û spasiya Bafil Celal Talebanî kir bo piştgiriya Yekîtiya Nîştimanî ya Kurdistanê (YNK) kir û tekezî li ser berdewamiya hemahengiya di navbera herdu aliyan de ji bo dirustkirina hikûmeta nû ya Îraqê kir.

PUKMEDIA