Îraq xwe nuh dike

PUKMEDIA

Serokê Cuvata Nûneran, Serokkomar û Serokwezîrê Îraqê

Piştî 23 salan ji rizgarkirina Îraqê ji aliyê Amerîka ve, Îraq di serdemeke nûjenkirin û vejînê re derbas dibe,tê çavrêkirin ku çar salên bê ji bo Îraqê çar salên xizmet û çareserkirina pirsgirêkan bin, ji ber ku di çar salên bê de, piraniya postên siyasî li Îraqê dê ji hêla ciwanan ve werin girtin, ku ev yek di nav Îraqiyan de gelek hêvî çêkiriye.

Guhertina desthilatdariyê bûye kevneşopiyek

Îraq piştî proseya azadî û guhertina çar berpirsên sereke yên desthelata wî welatî, di 22 salan de şeş serokkomar û heşt serokwezîr bi dest xistine, ji welatên herêmê pêşdeçûneke baş bi dest xistiye.

Kesê herî ciwan ji bo pêkanîna hikûmetê hat destnîşankirin

Şeva borî, piştî gotûbêjkirina çend navan, Çarçoveya Hemahengiyê wekî fraksiyona herî mezin ya li parlemana Îraqê, (Elî Zeydî) namzed kir,ku ev kesê 40 salî ji bo pêkanîna hikûmeta pêşerojê hatiye erkdarkirin, ev biryar piştî ku rêberên Çarçoveya Hemahengiyê gihîştin wê encamê ku Zeyd mercên pêwîst bicîh tîne û dikare pêdiviyên vê qonaxê bicîh bîne, hat dayîne.

Heşt kesan posta serokwezîriyê girtine ser xwe

Diyarîkirina Elî Zeydî, bêyî ku xwedî fraksiyonek mezin yan paşxaneya siyasî be, me vedigerîne pêvajoya ku di sala 2003an de dest pê kir ku Îraq ji sala 2004an vir ve, dema ku Îraqiyan piştî desthilatdariya sivîl desthilatdarî girtin destê xwe, di pevguhertina postan de pêşeng e, heta niha heşt kesan postê serokwezîriyê wergirtine, di nav wan de (Eyad El,hawî, Îbrahîm Caferî, Nûrî Malikî, Heyder Ebadî, Adil Ebdulmehdî, Mustafa Kazimî, Mihemed Şeyah Sûdanî) û di dawiyê de Elî Zeydî ji bo pêkanînan hikûmeteke nû hatiye erkdarkirin, ku tenê Nûrî Malikî du xûlan xizmet kiriye.

Şeş kes bûn serokkomar

Piştî rizgarkirina Îraqê, şeş kesan posta serokatiyê girtine, di nav wan de (Gazî Yawer, Serok Mam Celal, Dr. Fuad Masum, Dr. Berhem Salih, Dr. Letîf Reşîd, Nîzar Amêdî).

Du kesayetî nekarîn hikûmetekê ava bikin

Di heman demê de, du kesayetên din ji bo pêkanîna hikûmetê hatin erkdarkirin, lê nekarîn hikûmetê ava bikin, ango Mihemed Tewfîq Elawî di sala 2020an de, û Ednan Zurfî di Nîsana heman salê de di avakirina hikûmetê de vekişiyan.
Heft kesan serokatiya Civata Nûneran girtine ser xwe

Derbarê posta serokê Civata Nûneran de, HeyHbet Halbusi kesê heftemîn e ku vê postê werdigire, ku ev bûn (Mehmûd Meşhedanî, Eyad Samerayî, Usame El Nucêfî, Selîm El-Cibûrî, Mihemed Helbûsî, Mehmûd Meşhedanî û herî dawî Heybet Helbûsî).

Îraq xwe nuh dike

Taybetmendiyeke din ya postên li Îraqê, bi taybetî di vê çerxê de, ew e ku ciwan van postan digirin bi awayekî ku Serok Nîzar Amêdî di sala 1968an de ji dayik bûye û 58 salî ye, Ew di asta herî bilind ya şiyana xwe ya fizîkî û hizrî de ye.

Hevdem Heybet Halbusî, seroka niha ya Civata Nûneran, di sala 1980an de ji dayik bûye û 46 salî ye.
Her weha Elî Zeydî, ku ji bo pêknîna hikûmeta nû hatiye erkdarkirin, di sala 1986an de ji dayik bûye û 40 salî ye, ev yek jî hêviyê dide Îraqiyan ku rêberên ciwan dikarin careke din refah û aramiyê vegerînin welêt.

Ev nîşana zindîtiya Îraqê ye

Çavdêrê siyasî Fayêq Yezîdî ji PUKMEDIA re ragihand ku : û destnîşankirina ciwanan ji bo postên siyasî li Îraqê nîşanek zindî ya Îraqê ye,ji ber ku li seranserê cîhanê ciwan guhertinên mezin dikin, tê çaverêkirin ku Îraq di çar salên bê de gavên baş di ji nû ve avakirina aborî û jiyana xelkê û xizmetguzariyan de bavêje.

Ragihand jî di çar salên bê ya Îraqê de, sê ji çar serokatiyên Îraqê wê ji hêla ciwanên jêhatî, xwedî ezmûn û pispor ve werin birêvebirin ku ciwanên xwedî şiyan û şarezan e, ev yek cudahiyê zêde dike ku Îraq di warê demokrasiyê de li gorî welatên hevsê pêşketineke baş bi dest xistiye û ji wê bêtir tê hêvîkirin.

Her çiqas Îraq xwedî hejmara herî zêde ya pêkhate, ol û mezheban be jî, li gorî welatên din yên herêmê û heta Herêma Kurdistanê jî, herî zêde guhertin di desthilatdariyê de çêbûne û ji bilî Nûrî Malikî, destûr ne hatiye dayîn ku ti serokwezîr du xulên hilbijartinê bike, ev yek di warê xizmetguzarî û mafên welatiyan de sûd ji gelê Îraqê re anî û welat ber bi demokrasiyeke zêdetir ve bir.

PUKMEDIA