Wezîrê derve yê Îranê digihîje Pakistanê û danûstandin dest pê dikin

Cîhan 08:08 PM - 2026-04-24
Wezîrê derve yê Îranê Ajans

Wezîrê derve yê Îranê

Îran


Wezîrê Karên Derve yê Îranê Ebas Êraqçî ber bi Pakistanê ve bi rê ket û dê serdana çend welatên din jî bike. Sê çavkaniyan eşkere kirin ku hîna tîma teknîkî ya Amerîkayê li Îslamabadê mane û di paşerojeke nêzîk de gera duyem a danûstandinên aştiyê dê bi rêve biçe.

Ajansa nûçeyan a Îranê (IRNA) ragihand: Wezîrê Karên Derve yê Îranê Ebas Êraqçî, îro 24.04.2026an, ji bo gotûbêjkirina li ser danûstandinên welatê xwe bi Amerîkayê re, ber bi Îslamabada paytexta Pakistanê ve bi rê ketiye. Li gorî malpera Îranî, Êraqçî ji bilî Pakistanê dê serdana Oman û Rûsyayê jî bike.

IRNAyê amaje bi wê yekê jî kiriye: Armanca serdanê gotûbêjkirina geşedanên herêmê, şerê welatê wî bi Amerîka û Îsraîlê re û danûstandinên agirbesteke hertimî ye.

Ev di demekê de ye ku ev çend roj in Îslamabad amadekariyan ji bo gera duyem a danûstandinan dike ku hîna diyar nîne dê kengî bi rêve biçe. Her wiha nehatiye rûnkirin ka Wezîrê Karên Derve yê Îranê di vê geşta xwe de dê bi berpirsên Amerîkayê re bicive yan dê ji bo gotûbêjên danûstandina navbera wan were paşxistin.

Hevdem, li gorî sê çavkaniyan, di nêzîk de danûstandinên aştiyê di navbera Îran û Amerîkayê de li Pakistanê dê dest pê bikin e.

PUKMEDIA  

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket