Serok Bafil:Enfal êşeke emê herdemê li ber wê bisekinin

PUKMEDIA

Bafil Celal Talebanî, Serokê Yekîtiya Niştimanî ya Kurdistanê

Bafil Celal Talebanî, Serokê Yekîtiya Niştimanî ya Kurdistanê (YNK), di 38. salvegera Enfalê de di peyamekê de ragihand, tawan û terajediya Enfalê, ku jenosîdkirina gelê me bû, birîneke mezin e di dilê me de ye, êşeke ku emê her û her li ber wê bisekinin, tekez jî kir ku hewldana YNKê ewe ku xemgînî û êşan veguherîne hêviyê û jiyaneke nû ava bike.

Naveroka Serok Bafil:

Birînên me yên kûr her tim me han dikin ku em bi dilsozî xizmeta gel û axa xwe bikin, tawan û niyetên ji holê rakirina gelê me beşek ji dîrokeke tal in, lê ew wêrekiyeke ji bo mayîndebûn û xurtbûna vîna me ya neteweyî û Kurdîtiyê ye ku tu hêzek nekariye wê tune bike.

Tawan û terajediya Enfalê, ku jenosîdkirina gelê me bû, birîneke mezin e li ser dilê me, ew êşek e ku emê her û her li ber wê bisekinin û windakirina hezkiriyên xwe bi destên xwe li ser sînga xwe bi bîr bînin.

Di vê rojê de, em tekez dikin ku em xema kûr a xizmên serbilind yên qurbaniyên Enfalê têdigihin û hewldanên YNKê ew e ku xemgînî û azaran veguherîne hêviyê û bi riya biratî û hevgirtinê jiyaneke nû ava bike da ku em bikaribin bi hevre kar bikin û pêngavên xizmetkirina gelê xwe yê xeşewîst bavêjin.
Silav li ser giyanê şehîdên Enfalê û hemû şehîdên Kurdistanê be.

Bafil Celal Talebanî

Serokê Yekîtiya Nîtimanî ya Kurdistanê

PUKMEDIA