Guterres pêşwazîya rêkeftina agirbestê ya di navbera Washington û Tehranê de kir

Ajans

Sekreterê Giştî yê Neteweyên Yekbûyî António Guterres

Sekreterê Giştî yê Neteweyên Yekbûyî António Guterres agirbesta du-hefteyî ya di navbera Amerîka û Îranê de pêşwazî kir, û bang li hemî aliyan kir ku ji bo aştiyek mayînde li Rojhilata Navîn bixebitin.

Dujarric got, Sekreterê Giştî ragihandina agirbestek du-hefteyî ji hêla Dewletên Yekbûyî û Îranê ve pêşwazî dike.

Wî zêde kir ku Guterres "bang li hemî aliyên şerê heyî yê li Rojhilata Navîn dike ku pabendî erkên xwe yên di bin qanûna navneteweyî de bin û pabendî mercên agirbestê bibin da ku rê li ber aştiyek mayînde û berfireh li navçeyê veke.

Serokê Dewletên Yekbûyî yên Amerîkayê Donald Trump kêmtir ji du demjimêran berî qedandina dema ku wî ji Tehranê re destnîşan kiribû da ku Tengava Hormizê ji nû ve veke an jî bi êrîşên berfireh ên li ser binesaziya sivîl a xwe re rû bi rû bimîne, bi Îranê re li ser agirbesta du-hefteyî razî bû.

Ragihandina Trump a ku li ser tora civakî weşandiyeveguhastineke ji nişka ve bû ji helwestên xwe yên berê, dema ku hişyarî da ku ewê şaristaniyekê bi tevahî wêran û winda bike ji ser axê eger daxwazên wî bi cih neyên. Serokwezîrê Pakistanê Şehbaz Şerîf ku di navbeynkariya agirbestê de alîkarî kir, di postek li ser X de got ku wî şandeyên Îranî û Amerîkî vexwendiye ku roja Înê li Îslamabadê bicivin.



PUKMEDIA