Şerê Îranê berdewame û guftûgo jî pir baş bi rêve diçin

PUKMEDIA

teqîn

Şerê Amerîka û Îsraîlê yê li dijî Îranê derbasî meha duyemîn dibe, hîn jî alî di êrîşên xwe de berdewam in û çareseriya dîplomatîk bûye beşek ji guherînên şer, ku li gorî gotina Serokê Amerîkayê, guftûgoyên bi Îranê re pir baş bi rêve diçin.

Îro 27ê Adara 2026an, li devera Çîtgar a li rojavayê Tehranê dengê teqîneke bihêz hat bîstin, her weha navend û rojhilatê bajêr jî bûn armanca êrîşên asmanî, tevî vê yekê, çendîn pêgehên leşkerî li bajarê Kaşanê yê li navenda Îranê hatin bombebarankirin.
Her bi sedema berdewamiya êrîşan, li bajarê Qumê şeş kes hatin kuştin.
Ji aliyeke din ve Îran di êrîşên xwe yên li ser Tel Ebîbê de berdewam e û çendîn mûşek ber bi wî bajarî ve avêtin, lê beşekî zêde yê wan ji aliyê pergala berevaniyê ve hatin xistin.

Her wiha, artêşa Pasdaran ragihand ku wan pêleke nû ya êrîşan bi moşek û dron bo ser armancên leşkerî û enerjiyê li Îsraîlê pêk aniye.
Li aliyê din, Fermandariya Navendî ya Amerîkayê ragihand ku wan zêdetirî 10 hezar armanc li navxweya Îranê bombebaran kirine; her wiha diyar kiriye ku %92ê keştiyên mezin ên hêza deryayî ya Îranê jî ji nav birine.

Têkildarî hewildanên bo rêkeftin û çareseriya dîplomatîk, di roja 26.03.2026an de, Serokê Amerîkayê Donald Trump ragihand ku êrîşên leşkerî yên wêranker ên bo ser wêstgehên kehrebê û jêrxaneya enerjiyê ya Îranê, bo dema 10 rojan hatin rawestandin.

Trump li ser platforma Truth Social ragihand: Dema wêrankirina wêstgehên enerjiyê heta roja duşemê, 06.04.2026, paş dixim.


PUKMEDIA