Amarên şehîd û birîndarên êrîşên ser Herêma Kurdistanê

PUKMEDIA

Êrîşên bi droneyan li ser Herêma Kurdistanê

Di êrîşên li ser Herêma Kurdistanê de herî kêm 13 kes şehîd bûn û zêdetirî 50 kesên din jî birîndar bûne.

Amara şehîdan

Bi sedema êrişên Deronan bo ser firokxaneya navdewletî ya Hewlêrê, roja 7ê Adara 2026an, karmendekî asayîşê şehîd bû hevdem li gorî amarên nefermî, di êrîşan de pênc endamên Partiyên Rojhelatê  Kurdistanê  şehîd bûn.

Di heman demê de, roja 12ê Adara 2026an, leşkerekî Fransî di êrîşekê de li ser baregeheke hêzên Fransî li Mela Qere li ser sînorê Hewlêrê hat kuştin.

Her weha di êrişa dawî de roja 24-03-2026 an li gorî daxuyaniyek ji aliyê Wezareta Pêşmergeyan ve hatiye dayîn di du êrîşên mûşekî de li ser du çeperên Pêşmergeyan li Benî Herîr ya li Rêveberiya Xweser ya Soranê, şeş Pêşmerge şehîd bûn, bi vî awayî hejmara giştî ya şehîdan gihîşt 13 şehîdan.

Amara Birîndaran

Her bi sedema êrişa ser firokxaneya Hewlêrê, sê karmendên asayîşê birîndar bûn, her weha bi sedema êrişên ser pêgeha partiyên Rojhelatê Kurdistanê heya niha 20 endamên wan birînda bûne.


Hevdem di êrîşa dawî ya li ser du pêgehên Hêzên Pêşmergên Kurdistanê de, 30 Pêşmerg birîndar bûn, bi vî awayî hejmara birîndaran gihîşte 53 birîndaran.

Ev yek jî demekê de ye ku, her ji destpêkirina cenga navbera Îsraîl û Amerîka li dijî Îranê roja 28-02-2026 an, Bafil Celal Talebanî , Serokê Yekîtîya Niştimanî ya Kurdistanê (YNK) gelek caran tekez li ser vê yekê kiriye ku, çi demê Herêma Kurdistanê nabe beşek ji cengê, di şûna wê de, me hewlên dîplomatîk dane daku bibin beşek ji dîtina çareseriyek aştiyane bi riya diyalogê daku aramiya herêmê vegerînin.

Her weha Hikûmeta Herêma Kurdistanê jî, tekez kiriye ku, ew nabe beşek ji cengê, lê ew dixwaze bi riya dîplomasiyê pirsgirêkê çareser bike.

PUKMEDIA