Wezareta Pêşmerge:Êrîşa ser hêzên me bo têkdana aramiyê ye

PUKMEDIA

Logoya Wezareta Pêşmerge

Wezareta Pêşmerge ya Hikûmeta Herêma Kurdistanê ragihand ku li navçeya Çemçemal ya parêzgeha Silêmaniyê, li dijî baregeheke hêzên wan bi dronekê êrîş hatiye kirin û di daxuyaniyekê de daxwaza rawestandina van êrîşên bêmaf kir.

Di daxuyaniya Wezareta Karûbarên Pêşmerge hatiye:

Şeva borî, komên terrorist yên derveyî yasayê, di kiryareke din ya sabotajê de, bi droneke bombekirî êrîşî baregeheke hêzên Pêşmerge li sînorên navçeya Çemçemalê kirin,em vê êrîşê bi tundî şermezar dikin, ku armanc dike ewlehî û aramiya herêmê têk bidin.

Dubarebûna van êrîşên terorîstî li ser baregehên Pêşmerge di demekê de tê ku rewşa herêmê bi giştî di qonaxek hestyar û aloz re derbas dibe.

Dubare em banga xwe li Fermandarê Giştî yê Hêzên Çekdar yên Îraqê dikin ku dawî li van êrîşên ne rewa yên li ser baregehên hêzên Pêşmerge bîne.

Wezareta Pêşmerge

22ê Adara 2026an

PUKMEDIA