Navê firokxaneya Silêmanî bû bi firokxaneya Celal Talebanî

PUKMEDIA

Firokxaneya Navneteweyî ya Celal Talebanî

Îro, roja Pêncşemê, Firokxaneya Navneteweyî ya Silêmaniyê ji bo rêzgirtina li dîroka wê ya birûmet, bû Firokxaneya Navneteweyî ya Celal Talebanî.

Di daxuyaniyekê de ku ji hêla PUKMEDIA ve bidestxistin , Firokxaneya Navneteweyî ya Silêmaniyê wiha got :Em kêfxweş in ku radigihînin ku, piştî temamkirina hemî rêkarên navxweyî û navneteweyî û biryara dawî ya Desteya Esmanî ya Sivîl ya Îraqê di 19ê Adara 2026an de, navê Firokxaneya Navneteweyî ya Silêmaniyê bo Firokxaneya Navneteweyî ya Celal Talebanî hatiye guhertin.

Di daxuyaniyê de wiha hat gotin:Em spasiya hemû kesên ku beşdarî pêkanîna vê biryarê bûne û beşdarî kirine dikin, ku ev pêngaveke girîng bû ber bi pêkanîna vîzyona Saziya Serok Celal Talebanî ve,em spasiya rayedarên peywendîdar dikin ji bo alîkariya wan di pêkanîna vê xebata mezin de, ku hêjayî têkoşîn û mezinbûna navê Serok Celal Talebanî ye.

Firokxane wekî beşek ji saziyên girîng ên akademîk û xizmetguzariyê, wekî zanîngeh û nexweşxane, ku ji hêla Serok Celal Talebanî ve li Silêmaniyê hatine damezrandin, tê hejmartin, ku hîn jî şahidiyek zindî ya mîrata wî ne.

Di daxuyaniyê de hat destnîşankirin ku ev guhertin ji bo balafirgehê girîng e, bûyerek dîrokî ye ku navê kesayetiyek dîrokî (Serok Celal Talabanî) li xwe digire, ku me motîve dike ku em xizmeta we bikin, bi taybetî bajarê Silêmaniyê, ku Mam Celal jê re digot:Bajarê Jiyanê". 
Balyoz Dr. Mihemed Sabîr, serokê Saziya Serok Celal Talebanî, berê ji PUKMEDIA re gotibû:Li ser daxwaza me, Serokwezîrê Hikûmeta Federal guhertina navê Firokxaneya Navneteweyî ya Silêmaniyê bo Firokxaneya Navneteweyî ya Celal Talebanî pejirand, projeyek ku em nêzîkî çar salan e li ser dixebitin.

Serokê Saziya Serok Celal Talebanî rave kir ku ev pêngav nîşanek piçûk ya rêzgirtinê ye ji bo têkoşîn, qurbanî û hewldanên Serok Mam Celal ji bo gelê Kurdistanê û gelê Îraqê bi giştî, û rêyek e ji bo nemirkirina navê wî, mîna serok û rêberên din ên cîhanê.

Hêjayî gotinê ye ku kevirê bingehîn yê Firokxaneya Navneteweyî ya Silêmaniyê di Mijdara 2003an de hatiye danîn, û di 20ê Tîrmeha 2005an de ji hêla Serok Mam Celal ve hatiye vekirin,rûbera wê ya giştî nêzîkî 13.5 kîlometre çargoşe ye.

 Saziya Serok Celal Talebanî saziyeke çandî, mirovî û neteweyî ye, ku di 28ê Îlona 2022an de hatiye ragihandin,ew ji bo pêşvebirin, parastin û arşîvkirina jiyan û têkoşîna Serok Celal Talebanî kar dike.

 PUKEMEDIA - Exclusive