Penorama Serhildanê

PUKMEDIA

Serhildana Raperîn

Evro 35 sal bi ser serhildana bihara sala 1991an re derbas dibin. Di roja 5ê Adara 1991an de, bo cara yekem serhildana xelkê Kurdistanê li Ranyeyê dest pê kir, di heman rojê de Ranye, Çwarqurnê, Deşta Bêtwên, Haciyawa û Serkepkan hatin rizgarkirin.

Roja din, 6ê Adara 1991an, her du navçeyên Baziyan û Deşta Pişder hatin rizgarkirin.

Di roja 7ê Adara 1991an de xelkê Silêmaniyê serî hilda û heta sibê "Emne Sûreke" û "Muesker Selam" xistin bin kontrola xwe.

Roja 8ê Adara 1991an, serhildan li Çemçemal, Helebce, Erbet, Zerayen û Pîremegrûnê dest pê kir û rêyên sereke yên di navbera Silêmanî û Kerkûkê de hatin kontrolkirin.

Di roja 9ê Adara 1991an de xelkê Koye, Şeqlawe û Ordgeya Basirmeyê serî hildan.

Roja 10ê Adara 1991an, xelkê navçeyên Soran, Rewandiz, Hacî Omeran, Mêrgesor, Çoman, Spîlk, Xelîfan, Herîr, Batas, Mesîf, Teqteq, Axceler û Qerehencîrê serî hildan.

11ê Adara 1991ê xelkê bajarê Hewlêrê serî hildan û her wê rojê komelgehên Kesnezan, Bineslawe, Daretû, Quştepe, Şawês, Pîrzîn, Meleomer, Cedîde, Tobzawe, Kewrgosk, Behirke û Berhuştir hatin azadkirin.

12ê Adara 1991ê xelkê Celawla û Xaneqînê raperîn û her wê rojê Mexmûr, Akrê, Bicîl, Sûrçiyayetî, Berdereş, Dînartê, Zêbar û Şêxan hatin azadkirin.

13ê Adara 1991ê xelkê Zaxo û Deşta Silîvan raperîn; li sînorê Kerkûkê jî bajarokê Pirdê hat azadkirin, li Germiyanê jî Kelar û Cebare hatin azadkirin.

14ê Adara 1991ê xelkê bajarê Duhokê raperîn û her wê rojê navçeyên Zawîte, Sersing, Dêrelûk, Şêladizê, Amêdî û Bamernê hatin azadkirin.

15ê Adara 1991ê xelkê bajarokê Simêlê raperîn.

16ê Adara 1991ê Serbeşax, Qereçûx û Mexmûr hatin azadkirin.

18ê Adara 1991ê bajarokê Pirdê û devdora wê hat azadkirin.

19ê Adara 1991an , derdora Kerkukê hate rizgarkirin.

20ê Adara 1991an , xelkê Kerkukê serhildan kir û bajar hate rizgarkirin.

21ê Adara 1991an , agirê Nevrozê li Kerkukê hate vêxistin.

27ê Adara 1991an , artêşa Îraqê Kerkuk û di 31ê Adara 1991an de jî, artêşa Îraqê Hewlêr dagir kir.

PUKMEDIA