Şêx Ceifer: Derbasbûna ji vê rewşê tenê bi yekrêzî û yekgirtin e

PUKMEDIA

Şêx Cafer Şêx Mistefa cîgirê serokê Hikûmetê

Şêx Ceifer Şêx Mistefa, Cîgirê Serokê Herêma Kurdistanê, di salvegera raperîna bi rûmet û cemawerî ya gelê Kurdistanê de peyamek belav kir û ragihand: Salvegera raperînê berpirsyariyeke dîrokî dixe ser milê hemû aliyên siyasî, bi taybetî ji bo vê qonaxa hestiyar a niha. Girîng e serkirdayetiya gelê Kurdistanê gavên cidî bihavêje ji bo dûrketina ji vê şer û alozîya ku dixwaze me bixe nav xwe, çareserî jî ji bo derbasbûn ji vê rewşê tenê yekrêzî û yekgirtin e.

Naveroka peyama Cîgirê Serokê Herêmê di salvegera raperîna bi rûmet a xelkê Kurdistanê de:

Di 35 emîn salvegera raperîna bi rûmet û cemawerî ya gelê Kurdistanê de, pîrozbahiyeke germ arasteyî gişt Kurdistaniyên ezîz, pêşmergeyên qehreman, malbatên serbilind ên şehîdan, malbatên qurbaniyên enfal û kîmyabaranê dikim.

Raperîna mezin a sala 1991’an encama zilm û zora rêjîma Beis a wê demê bû li hember xelkê bindest ê Kurdistanê. Ranyeya dergehê raperînê, destpêka dengê nerazîbûnê bû ku taca rûmeta serkeftin û serweriyê ji bo gelê Kurdistanê nexşand û dengê mafên gelê mafxwar bû bi serxist li ser zilm û zora rêjîmeke dîktator de.

Pîrozbûna serhildanê berpirsiyariyeke mezin û dîrokî dixe ser milê hemû partiyên siyasî, bi taybetî ji bo vê qonaxa hestyar, ku em dibînin ku şer û wêraniyê rewşa herêmê bi giştî hejandiye.

Li vir girînge ku serokatiya gelê Kurd kûrtir bifikire û gavên cidî bavêje da ku ji vî şer û girjiyê dûr bikeve ku li pêşiya me ye. Çareseriya derbaskirina vê rewşê tenê yekîtî di navbera hemû partiyên siyasî de ye.
Ji bo ku em li ser dijwarîyan serbikevin û pirsgirêkên navxweyî û derveyî bi diyalogê çareser bikin.

Silav ji bo giyanê şehîdên serhildana mezin û hemû şehîdên tevgera rizgariya Kurdistanê.

Şêx Ceifer Şêx Mistefa
Cîgirê Serokê Herêma Kurdistanê


PUKMEDIA