Qubad Talebanî:Herêma Kurdistanê ne beşek ji cengê ye

Ragihandina Qubad Talebanî

Civîna Qubad Talebanî digel komîteya ewlehiyê

Ji bo misogerkirina ewlehiya milkê welatiyan Qubad Talebanî Cîgirê Serokwezîr digel komîteya ewlehiyê ya parêzgeha Silêmaniyê re civiya û biryar da ku ji bo ewlehiya milkê welatiyan hin tedbîrên taybetî werin girtin.

Di civîna îro roja Çarşemê (04/03/2026)an de, Qubad Talebanî bal kişand ser bandora şer û aloziyên zêde yên li herêmê li ser Herêma Kurdistanê û parêzgeha Silêmaniyê û ragihand ku, her çende Herêma Kurdistanê ne beşek ji şer e û bê alîbûna xwe ya tevahî diparêze jî,lê, em niha di rewşek awarte de ne û çirûskên şer ji derveyî vîna me li ser Herêma Kurdistanê jî ketine.

Cîgirê Serokwezîr aşkere kir ku di vê rewşê de, erkê me ye ku em hemû rêkarên pêwîst ji bo parastina ewlehiya milkê welatiyan bigirin be, di vê çarçoveyê de, ji bo pêkanîna hevrêziyeke tevahî di navbera hêzên ewlehiyê û aliyên peywendîdar de, biryar hat dayîn ku odeyeke operasyonan bê avakirin.

Di civînê de ji welatiyan hat xwestin ku heta ku rewş asayî nebe, ji qerebalixî û kombûnên nehewce dûr bisekinin.

Derbarê pirsgirêka karebayê jî dewan li ser çawaniya çareserkirina pirsgirêkê gotûbêj kirin û biryar dan ku di demek nêzîk de pirsgirêka miwelîdeyên taybet çareser bikin daku rojane kareba ji bo welatiyan bê dabîn kirin.

Di beşek din ya civînê de, behsa rûmalkirina media ji bo pirsgirîkên ewlehiyê di vê rewşa awarte de ji hat gotûbêj kirin û daxwaz ji hemû dezgehên medyayê hat kirin ku parastina ewlehiya neteweyî û welatiyan wekî erkê xwe yê sereke û pîşeyî bibînin û ji weşandina her cure nûçe û zanyariyên ku ziyanê didin ewlehiya welatê me dûr bisekinin, ji bo vê armancê, pêwîst hat dîtin ku rêveberên kanalên ragihandinê tedbîrên taybetî bigirin û rênmayên pêwîst bidin rojnamevan û nûçegîhanên xwe.

PUKMEDIA