Amerîka dixwaze 6 hezar penaberên sûrî dersînor bike

PUKMEDIA

Penaberên Sûrî

Rêveberiya Amerîkayê daxwazê ji Dadgeha Bilind a welatê xwe dike ku biryara rêgirtin li hilweşandina parastina demkî ya li ser şeş hezar sûriyan hilweşîne, bi armanca deportkirina wan bo welatê wan.

Ajansa Reutersê belav kir ku Wezareta Dadê ya Amerîkayê, yadeştnameyeke bi lez pêşkêşî bilindtirîn desteya dadwerî ya welatê xwe kiriye û tê de daxwaz kiriye ku ew biryara dadwer (Katherine Failla) di meha mijdara borî de dabû, bê betalkirin, ew biryara ku rê li ber rêveberiya Amerîkayê girtibû ku dawî li parastina demkî ya penaberên Sûriyeyê bîne.
Ev cara sêyem e rêveberiya Amerîkayê serî li Dadgeha Bilind dide ji bo didawîanîna parastina li ser penaberan. Di her du carên berê de, dadgehê rê dabû rêveberiya Amerîkayê û di her du caran de jî rewşa parastina demkî ji ser bi hezaran penaberên Venezuelayî hatibû rakirin.

Wezareta Ewlehiya Navxweyî ya Amerîkayê hewl dide dawî li rewşa parastina penaberên 12 welatan bîne, lê biryarên dadgehê heta niha bûne asteng li pêş rakirina rewşa parastinê ya li ser penaberên çendîn welatan, ji wan jî Sûriye, Etiyopya, Sûdana Başûr, Haîtî û Myanmar.

PUKMEDIA