Îlham Ehmed: Divê YE ji bo Kurdan bibe gerantor, Rohilat Efrîn: YPJ modeleke dikare jinan biparêze

bianet.

Hevseroka Fermangeha Peywendiyên Derve ya Bakur û Rojhilatê Sûriyeyê Îlham Ehmed û Fermandara Giştî ya YPJê Rohilat Efrîn

Hevseroka Fermangeha Peywendiyên Derve ya Bakur û Rojhilatê Sûriyeyê Îlham Ehmed û endama Fermandariya Giştî ya YPJê Rohilat Efrîn li Parlemana Ewropa ya Brukselê daxwaz û rewşa Rojavayê Kurdistanê ji parlamenterên Ewropa re vegotin.

Endama Koma Tifaqa Pêşverû ya Sosyalîst û Demokratan (S&D) Evîn Încîr axaftina vekirinê ya konferansê kir û diyar kir ku têkelbûna Hêzên Sûriye Demokrat di nav Hêzên Çekdar yên Sûriyê de girînge, lê divê rêz ji mafên Kurdan re bê girtin.

Îlham Ehmed: Misogeriya destûrê li Sûriyê pêwîste

Îlham Ehmed dema ku rewş û daxwazên Kurdên li Sûriyê vegot, û got:Pêwîste mafên Kurdan bi destûrî werin misogerkirin û bal kişand ser têkoşîna Kurdan ya li dijî DAIŞê û diyar kir ku ji bo Kurd di avakirina Sûriyeyeke nû de roleke xurttir bilîzin, li bendê ne ku rêkeftina wan bêhtir piştgiriya wan bikin.

Îlham Ehmed destnîşan kir ku hîn gefên DAIŞê berdewam in û di demên dawî de liv û tevgera wan hatiye dîtin û got: Ji ber vê yekê, têkelbûna Hêzên Sûriye Demokrat di nav Hêzên Çekdar yên Sûriyê de û bicihkirina leşkerî divê bi awayekî rast were kirin.

Derbarê sînorkirina du saetan a perwerdehiya bi zimanê Kurdî de jî Îlham Ehmed got:Ew vê yekê pesend nakin û destnîşan kir ku divê ev yek wekî mafekî bingehîn di destûrê de were bicihkirin.

Îlham Ehmed :Divê Efrînî xwe birêve bibin

Îlham Ehmed anî ziman ku derbarê vegera koçberên Efrîniyan de pirsgirêk hene û nêzîkî 50 hezar kesên ji Efrîn hîna jî koçberin û got: pêwîste ewlehî û rêveberî ji hêla gelê Efrîn ve bê meşandin lê di vî warî de hîn jî tu pêngav ne hatine avêtin.

Îlham Ehmed diyar kir ku pêwîste Kurd di nav dewlet û wezaretan de cih bigirin û got: Li Rojava pêdivî bi rêveberiyeke herêmî û ewlehiyê heye.

Îlham Ehmed: Divê YE ji bo Kurdan bibe gerantor

Îlham Ehmed bang li Yekîtiya Ewropa kir û got: Ji bo pêşîgirtina komkujiyan, di hikûmeta Şamê de cih bigirin û Kurd û gelên din di destûrê de werin naskirin, pêdivî bi gerantora li qadê rewşê bişopîne heye.

Rohelat Efrîn:Pêwîste mafên jinan bi awayekî şênber werin parastin

Ji aliyê xwe ve Fermandara Giştî ya yekîniyên Jin (YPJ) Rohilat Efrîn jî diyar kir ku di sîstema heyî de herî zêde jin bêpar hatine hiştin û ew bi hişmendiyek e radîkal re rûbirû ne û got: Nebûna misogeriyê metirsiya ku bi êrîşên nû re bimînin heye, pêwîste pêwîste mafên jinan bi awayekî şênber werin parastin.

Rohilat Efrîn: YPJ modeleke ku dikare li her derê jinan biparêze

Rohilat Efrîn bi bîr xist ku YPJ modeleke ku dikare li her derê jinan biparêze û wiha domand: metirsî berdewam e, pêdivî bi gerantoriyê heye.

Rohilat Efrîn: Divê Yekîtiya Ewropa piştgiriyê bide YPJ

Rohilat Efrîn diyar kir ku ger ev bibe, YPJ wê rola xwe di warên ewlehî û siyasî de bilîze û got: Divê Yekîtiya Ewropayê jî piştgiriyê bide vê yekê.

Îlham Ehmed û Rohilat Efrin jî pirsên parlamenterên beşdarî konferansê bûn bersivandin.

Îlham Ehmed:Ji ber dorpêçê rewşa mirovî ya Kobanê xirape.

Îlham Ehmed diyar kir ku ji bo rakirina dorpêça li ser Kobanê danûstandin berdewam dikin û got ku rewşa mirovî ya li Kobanê xirabe.

Rohilat Efrîn anî ziman ku zanyariyên ku DAÎŞî ketine nav artêşê hene û diyar kir ku hebûna DAÎŞiyên di kampan de hîna jî rê li ber gumanan vedikin.

Rohilat Efrîn:Metirsiyên DAIŞê berdewam e

Rohilat Efrîn destnîşan kir ku gumanên li ser mafên Kurdan berdewam dikin û ji ber ku Kobanê hîn di dopêçê de ye ev yek rê li ber fikaran vedike û got:Metirsiya DAIŞê berdewam dike.

Îlham Ehmed: Ji bo parastina Kurdan pêdivî bi mekanîzmayekê heye

Îlham Ehmed aşkere kir ku Parlamena Ewropa biryarek derxist ku dibêje divê Kurd werin parastin, lê ewê bi kîjan mekanîzmayê werin parastin? Ji bo parastina Kurdan pêdivî bi mekanîzmayekê heye. Li qadê dikarin komîsyonekê ava bikin, ew dikarin hem vê pêvajoyê bişopînin û hem jî naskirina mafên Kurdan ya destûrî bişopînin.

Îlham Ehmed tevî avaniyek demokratîk li Bakur û Rojhilatê Sûriyê hatiye avakirin jî ji ber Yekîtiya Ewropa wan venexwendiye, rexne kir.

Rohilat Efrîn: Li Şamê hikûmetek demkî hatiye avakirin lê Kurdan têde cih negirtiye

Rohilat Efrîn diyar kir ku li Şamê hikûmetek demkî hatiye avakirin, lê Kurdan têde cih negirtin.
 Rohilat Efrîn destnîşan kir ku her çiqaî wan ji bo wezîrtiyê namzetek destnîşan kiriye jî, lê heta niha çi gavên fermî nehatine avêtin û got:Di vê serdemê de berpirsiyariya herî mezin ew e ku xwedî li Kurdan were derketin.

Îlham Ehmed: Pêdivî bi sîstemek nenavendî heye û

Îlham Ehmed: Pêdivî bi sîstemek nenavendî heye û me ev yek daxwaz kir, ev yek ne hat pesend kirin.

Îlham Ehmed anî ziman ku eger peyman bi tevahî were bicihanîn wê rê li ber pêşveçûnek girîng veke û derbarê sîstema dadweriyê jî got:Hîna jî zelaliyek tune ye, lê agahî hene ku Şam dixwaze li ser bingeha şerîetê pergalek dadweriyê ava bike.

PUKMEDIA