Ji ber êrişan 72 hezar xwendekar li Kobanê ji xwendinê bê par in

Hawar News

Dîmenek ji xwendingehek Kobanî

Ji ber êrişên çekdarên hikumeta demkî ya Sûriyê bi hezaran koçber ji malên xwe derketin li bajarê Kobanê di xwendingehan û malan de bi cih bûn, ji ber wê 72 hezar xwendekar ji mafên xwe yên xwendinê bê par mane.

Rêveberiya Giştî ya Dibistanên bajarê Kobanê Ezîze Ismaîl ragihand ku Êrişên ku ji 6`ê Çileyê de li her du taxên Kurdî yên Helebê Şêxmeqsûd û Eşrefiyê dest pê kirin, pêlên xwe gihîşt bajarê Dêr Hafirê tevî ku Fermandariya Hêzên Sûriye Demokrat ragihandibû ku wê ji rojavayî çemê Firatê vekişe, lê di 17`yê Çileyê de komên ser bi hikumeta demkî ya Sûriyê dest bi êrişekê li ser bajarên weke Reqa, Tebqa, Dêrezor û Hesekê kirin ku pêla van êrişan gihîşt bajarê Kobanê jî ku bajarê Kobanê ji 20`ê Çileyê ve ji hemû aliyan ve di dorpêçê de ye.

Ezîze Ismaîl da zanîn ku li asta kantona Firatê ku di nava xwe de Eyn Îsa, Sirîn, Çelebiyê, Qinê û Şêran, gundewar û bajarokên girêdayî wan hene, bi giştî 72 hezar xwendekarên Seretayî, Navîn û Amadeyî lê hebûn, di encama êrişan de 72 hezar xwendekar ji xwendin û perwerdekirinê bê par man e.

Ezîze destnîşan kir ku divê dorpêça li ser Kobanê were rakirin û got: Divê lihevkirinên di navbera Hêzên Sûriye Demokrat (HSD) û hikumeta demkî Ya Sûriyê de biçe serî, daku aramî û ewlehî li herêmê çêbibe, ji bo hemû koçber vegerin mal û milkên xwe û em karibin xwendinge vebikin.

PUKMEDIA