Qubad Talebanî: Min cara sêyemîn serdana Çemçemalê kir

Nivîsingeha Ragihandina Qubad Talebanî

Wêneyek ji civînê

Qubad Talebanî got: Îro cara sêyemîn e min serdana Çemçemalê kir, ji nêz ve şopand ka çawa pêvajoya qerebûkirinê tê cî bi cîkirin, û digel endamên Komîsyona Alîkarî û Vejînandina Çemçemal û Burda Çavdêriyê civiyam,li gorî wê yekê komîsyonê mînakek serkeftî ya xizmetkirina xelkê Çemçemalê pêşkêş kiriye, me biryar da ku endamên vê komîteyê dê bi navekî din xizmeta xelkê herêmê bidomînin û me biryar daku ew pereyê mayî dê ji bo cî bi cîkirina projeyên xizmetguzariyê li herêmê were xerckirin.

Qubad Talebanî ragihand ku her wekî me soz da ku qurbaniyên lehiyê yên navçeya Çemçemal û Şoreşê û xelkê herêmê bi tenê nahêlin û heta dawiyê û qerebû ji bo hemû qurbaniyan dê bi wan re bimînin, îro min cara sêyemîn serdana Çemçemalê kir û pêkanîna pêvajoya qerebûkirinê ji nêz ve şopand û bi endamên Komîsyona Alîkarî û Vejînê ya Çemçemalê û Burda Çavdêriyê re civiyam.

Wî her wiha amaje bi wê yekê jî kir ku ez wê wekî derfetekê dibînim ku spasiya gelê Kurdistanê, weberhêner, sermayedar û dezgehên medyayî bikim ku bi hestek neteweyî û mirovî ya bilind beşdarî alîkarî û qerebûkirina qurbaniyan bûn, her wiha dixwazim spasiya endamên Komîsyona Alîkarî û Vejînandinê bikim ji bo ku erkên xwe bi serkeftî bi cih anîn û hêviyên gelê me yê hêja pêk anîn û spasên taybet ji endamên Burda Çavdêriyê û hemû kesayetiyên pêbawer yên Çemçemalê re ku ji nêz ve şopandina cî bi cîkirina pêvajoya qerebûkirinê kirin û şefafiyeta pêvajoyê gerantî kirin.

Her weha aşkere kir ku her çend pêvajoya qerebûkirinê temam bûbe jî, lê ji ber ku komîsyonê mînakek serkeftî ya xizmetkirina xelkê Çemçemalê pêşkêş kiriye, me biryar da ku endamên vê komîteyê dê bi navekî din xizmeta xelkê herêmê bidomînin û bibin navbeynkarên navbera gel û aliyên peywendîdar ji bo çareserkirina pirsgirêkên xizmetguzariyê.

Qubad Talebanî got: Me biryar da ku pereyê mayî di bin çavdêriya endamên komîteyê û di bin çavdêriya endamên burda çavdêriyê û kesayetiyên pêbawer yên Çemçemalê de xerc bikin, ji bo cî bi cîkirina projeyên xizmetguzariyê li herêmê were xerckirin û dû re ji bo ku her kes piştrast bibe, divê encam bi zelaliyeke herî zêde ji raya giştî re werin eşkerekirin.

Qubad Talebanî got: Ez ji bo xelkê Çemçemalê piştrast dikim, di vê qonaxê de, pêşîniya min temamkirina projeya avê ya stratejîk a Goptepe ye,ji bo vê armancê, em hemû hewlên xwe didin ku di zûtirîn dem de temam bikin û pirsgirêka ava Çemçemalê bi carekê ve çareser bikin.

PUKMEDIA