Li kampa Holê alozî zêdetir dibin, revîne malbatên ji kampê zêde dibin

PUKMEDIA

Kampa Holê

Rewengeha Mafên Mirovan a Sûriyê ragihand ku ev çend caran koçber û penaber ji kampa el-Hol li gundewarê Hesekê reviyane bêyî qeydkirineke fermî û bêyî çavdêrî an çopandinek ji alîyê dezgehên hikûmeta demkî ve.

Di daxuyaniyekê de, Rewengehê got: Ji dema ku hêzên ewlehîyê yên hikûmeta demkî berpirsiyariya parastin û ewlekirina wê girtine ser xwe, kamp gelek caran rastî aloziyan hatiye. Li gorî agahiyên herêmî, malbat bi xizmên xwe yên li derveyî kampê re hevahengî dikin da ku revîna wan hêsan bikin. Her wiha tê bawerkirin ku hin ji wan ji bo hêsankirina derketina wan pere didin qaçaxçiyan. Ev yek hevdeme bi lawaziya rewşa ewlehîyê li deverên ku ji alîyê hêzên hikûmeta demkî ve li rojhilatê Firatê têne kontrol kirin nîşan dide.
Di çarçoveyeke têkildar de, Komîseriya Bilind a Penaberan a Neteweyên Yekbûyî (UNHCR) îro Şemiyê ragihand ku xizmetên ji kampa El-Hol re hatine dayîn rawestiyane, ji ber rageşiya ewlehiyê ya li ber deriyê sereke yê kampê û xwepêşandaneke niştecihên kampê ku bi keviran ber bi hin kesan û avahiya UNHCR ve çû, û daxwaza derketina bê astengî ji wê kir.
Rewngeha Mafên Mirovan a Sûriyeyê berê di 13ê Şibatê de, revandina bi dehan malbatên girêdayî rêxistina terorîst a DAIŞê ji kampa Holê ragihandibû.
Di derbarê hejmara rastîn a kesên ku ji kampê reviyane tu agahiyên piştrastkirî tune ne.

PUKMEDIA