Qubad Talebanî: Li Kurdistanê derfetên veberhênanê ji bo Kampaniyên Kuwêtê hene

PUKMEDIA

Qubad Talebanî cîgirê serokwezîr

Qubad Talebanî, Cîgirê Serokwezîrê Herêma Kurdistanê, pêşwazî li Hesen Mihemed El-Zeman, Balyozê Kuwêtê li Îraqê kir.

Di hevdîtinê de, ku Osman El-Dawud Konsulê Giştî yê Kuêytê li Herêma Kurdistanê jî beşdar bû, her du aliyan li ser têkiliyên dîrokî yên di navbera Herêma Kurdistanê û Dewleta Kuwêtê de axivîn. Wan tekezî li ser pêwîstiya xurtkirina van têkiliyan di warên cûda de, bi taybetî di warên aborî û bazirganî de kirin.

Balyozê Kuwêtê daxwaza welatê xwe ya ji bo baştirkirina têkiliyên bi Herêma Kurdistanê re piştrast kir. Di vî warî de, Cîgirê Serokwezîr bal kişand ser siyaseta Hikûmeta Herêmê ya piştgiriya veberhênanên biyanî û got: Ji bo kampanî û veberhênerên Kuwêtê derfetên girîng hene ku beşdarî pêşkeftina Herêma Kurdistanê bibin, û hikûmet amade ye ku her tesîs û piştgiriya pêwîst ji wan re peyda bike.
 Derbarê rewşa li herêmê û Îraqê de, her du aliyan girîngiya çalakiyên hevbeş ên berfireh li ser asta navxweyî û navneteweyî ji bo parastina aramiya li herêmê, bi taybetî li Îraqê, tekezî kirin. Balyozê Kuwêtê piştrast kir ku Kuwêt, wekî welatekî cîran, piştgiriyê dide Îraqek aram, bihêz û geş.

PUKMEDIA